Biblia estudiayta can suj viaje ina ima cusichiaycu, pero mana túcuy cutis chaynalla can. Huaquin cutis nacha tapunacunqui si séguej ʼrinqui Bibliát estudias. ¿Imajchus maa de valde can afanacuyta? ¿Imát yanapásoj ʼrin maa sackeyta estudiayta problemas apiptiyqui?

1. ¿Imajchus maa de valde can Bibliát estudiayta?

«Tata Yáyap ʼrimaynin causascka tían y atiyníyoj can» (Hebreos 4:12). Biblia can suj libru ancha válej imaraycu nin Tata Yaya pensasckanta y ckamraycu sentisckanta. Manalla siruísoj ʼrin astaan yacháypaj, manapé yanapásoj ʼrin allít decidinayquípaj y apinayquípaj suyana ámoj pachápaj. Y astaan importante, Biblia yanapásoj ʼrin yanasu Tata Yayamanta canayquípaj. Sapa cutis ckam estudiaptiyqui, sackes tianqui paypa atiynin yanapasuchun allíypaj causayniyquipi.

2. ¿Imajchus ckaanáysh tían checkascuna Bibliamanta valejcuna ina?

Verdares ima Biblia yachachin tesorus ina cancu ancha valejcuna. Chayraycu paylla chayna invitaáysh: «Checkát ʼrántiy y ni aicappas ʼrantícuy» (Proverbios 23:23). Unanchaspá checkascuna ancha valejcuna casckancunata, afanácoj ʼríysh mana estudiayta sackeyta amapas afliciunes tiaptin (léey Proverbios 2:4, 5).

3. ¿Imát Jehová ckamraycu ʼrúaj ʼrin seguinayquípaj estudias?

Imaina Jehová ʼRúaj túcuy atiyníyoj can y yanasuyqui can, allít ʼrejsisun y yanapasuyta munan astaan paymanta yachanayquípaj. Tata Yaya atin ckosuyta «deseu y fuersas imastistas ʼruanayquípaj» (léey Filipenses 2:13). Chayraycu, huaquin cutista precisaptiyqui astaan ánimu estudiáypaj o ʼruáypaj aprendesckayqui, paycka yanapasoncka. Y, precisaspá astaan fuersas enfrentáypaj suj afliciún o sujcuna ckampa contranpi churacuptincuna, paypas ckosoncka. Ama sackeychu Tata Yayát mañapuyta yanapasunánpaj seguiyta Bibliát estudias (1 Tesalonicenses 5:17).

 ASTAAN ESTUDIANÁYSH TÍAN YACHÁYPAJ

4. Aseguracunayqui tían ima Bibliát estudiayta importante cachun ckámpaj

Huaquin cutis ashca imastis ʼruáypaj apiycu túcuy punchaus y mana atíysh tiempút tariyta Bibliát estudiáypaj. ¿Imát ʼruayta atíysh? Leeychis Filipenses 1:10 y ʼrimaychis cá tapunasmanta:

• ¿Ima ninqui ckam, «ima cosastas astaan importantes cancu»?

• ¿Imát ʼruayta atinqui huámaj lugarpi churanayquípaj Bibliát estudiayta?

1. Si untanqui suj jarru arenát churapus y chaymanta churanqui ashca ʼrumista, ʼrumista mana yáycoj ʼrincu.

2. Pero, si huamajpi ʼrumista churanqui, átej ʼrinqui chaymanta yacka túcuy arenát churayta. Quiquisitun, huamajpi churaspá causayniyquipi imastis «astaan importantes» átej ʼrinqui chaycunaan cumpliyta y astaanpas tiempút ápej ʼrinqui sujcuna imastis ʼruáypaj.

Biblia estudiayta yanapaáysh atendeyta necesidarniycu espiritual, o sea, necesidarniycu Tata Yayát ʼrejsiyta y payta adorayta. Leeychis Mateo 5:3 y ʼrimaychis cá tapunasmanta:

• Si huámaj lugarpi churaycu Bibliát estudiayta, ¿imaina beneficiacuycu?

 5. Seguinayqui tían ñauckeman amapas sujcuna ckampa contranpi churacuncu

6. Cónfiay ima Jehová yanapasoncka

 BIBLÍAP YACHACHINASNIN

Amapas Bibliát estudiayta mana túcuy cutis fácil can, yanapásoj ʼrin causaymanta disfrutanayquípaj únay unáypaj. Mana sackespá Jehovapi confiayta, paycka bendecísoj ‘rin.

Yuyáypaj

• ¿Imajchus valoranqui checkascuna ima Biblia yachachiáysh?

• Chaymanta yachayta «ima imastis astaan importantes cancu», ¿imátaj ckam ʼruanayqui tían?

• ¿Imajchus Jehovata mañapunayqui tían yanapasuchun mana sackenayquípaj Bibliát estudiayta?