LECCIÓN 59
Turmindachinujpis can ahuantana ushangui
Tucui Jesusta catijcuna arcaigunara charinchi, huaquimbi turmindachingaj mascanunga Jehová Diosta sirvishcamanda. Shina pasajpi ¿manzharinachu anchi?
1. ¿Imarasha ñucanchira turmindachingaj mascanun?
Biblia nin Jehová Diosta adurangaj munajcuna “Cristo Jesuspi ali causasha nijcuna turmindachi tucunaungami” (2 Timoteo 3:12). Satanaspa mundu mana ashcaraigu Jesusta turmindachinuca. Ñucanchis Satanaspa mundu parti mana ashcaraigu yachanchimi cai mundui huaquin gobiernoguna, huaquin religiongunas ñucanchira turmindachingaraushcara (Juan 15:18, 19).
2. ¿Imara rurana anchi turmindachinujpi mana manzhasha ahuantangaj?
Cunallara Jehová Diospi mas quirina anchi. Jehová Diospi quiringaj ¿imara rurana anchi? Paihua shimira caran punzha leana, oraciondas rurana anchi. Shinallara tandarinaunama shamuna angui. Caigunara rurajpi canda yanapanga ima tunu turmindachina shamujpis ñaupama catingaj. Ñucanchi ailluuna turmindachinujpis ahuantasha catishun. Caran cuti paita turmindachishcamanda apóstol Pablo casna quillcaca: ‘Jehová ñucara yanapajmi; Mana manzhashachu’ (Hebreos 13:6).
Cuti cuti Bibliamanda yachachina mana manzhai charingaj yanapan, shinallara runaunara mana manzhangahua Jehová Diospi quiringahua yachachin (Proverbios 29:25). Cunallara mana manzhaihua Diospa Shimira yachachisha huaquin gobiernoguna ñucanchi yachachinara arcanujpis yachachisha catishunmi (1 Tesalonicenses 2:2).
3. Turmindarinara ahuantana ¿imasnara ñucanchira yanapan?
Ñucanchira turmindachinuchu mana munanchichu. Shinajpis turmindarinara ahuantasha ñucanchi fe mas shinzhi tucungami. Shinallara turmindarina mana ahuantana ushajpi Jehová ursara cusha ñucanchira shinzhiyachingami. Caita ricusha Jehová mayan mas sintishun (leai Santiago 1:2-4). Ñucanchi llaqui pasashcara ricusha Jehová llaquirinmi shinajpis ñucanchi mana sambayasha ahuantajpi pai cushiyan. Biblia nin: “Canguna alira rashcamanda turmindarishcara ahuantajpi, caimi Diospa ñaupajpi ‘Alimi’ nishca” (1 Pedro 2:20). Jehová Diosta sirvinara mana saquijpi pai ñucanchira bendiciangami Paraisoi huiñai causangahua. Mushuj allpaibi Diospa cuntrauna illanungami (Mateo 24:13).
MAS YACHAI
Ricushun imarashara Diosta mana saquina ushanchi ñucanchira turmindachinujpis, shinallara Jehová Dios ñucanchi ahuantashcamanda imasna bendiciashcaras.
4. Ailluuna canda turmindachinujpis ahuantana ushanguimi
Jesús nica ñucanchi ailluunamanda huaquinguna Jehová Diosta mana adurangaj munanungachu nisha. Leaichi Mateo 10:34-36, huasha catij tapuimanda rimaichi:
-
Jehová Diosta sirvingaj callarishcai ailluuna huaquimbi ¿imara ruranunga?
Shu pani shu huauqui paigunara llaquichinujpis ahuantashcara ricungahua VIDEORA ricuichi. Huasha catij tapuimanda rimaichi:
-
Can ¿imara ruranguima shu aillu o amigo Jehová Diosta ama sirvingaj nisha arcajpi?
Leaichi Salmo 27:10; Marcos 10:29, 30. Caran texto leashca huasha, catij tapuimanda rimaichi:
-
Cai textogunai rimashca shimiuna ¿imasnara canda yanapanga ailluuna, amigoguna canda arcanujpi?
5. Turmindachinujpis Jehová Diosta adurasha cati
Shujcuna ñucanchira arcashcai mana manzhaira charina anchi Jehová Diosta sirvingahua. VIDEORA ricuichi, huasha catij tapuimanda rimaichi:
-
Videobi ricushca ¿imara canda yanapan mana manzhaira charingahua?
Leaichi Hechos 5:27-29; Hebreos 10:24, 25. Caran texto leashca huasha, catij tapuimanda rimaichi:
-
Gobiernoguna ama tandarichu, ama Bibliamanda yachachichu nijpi ¿imarasha Jehová Diosta sirvisha catina anchi?
6. Jehová Dios canda yanapangami ahuantangahua
Shuj llactamanda aj rucu, malta Testigoguna turmindarina tiajpis Jehová Diosta sirvinara mana saquinushcachu. Imasna rurashcara yachangaj VIDEORA ricuichi. Huasha catij tapuimanda rimaichi:
-
Cai Testigogunara turmindachishcara ahuantangaj ¿imara yanapaca?
Leaichi Romanos 8:35, 37-39 shinallara Filipenses 4:13. Caran texto leashca huasha, catij tapuimanda rimaichi:
-
¿Imara cai textoguna ricuchin turmindusguna shamujpis can ahuantana ushashcara ricuchingahua?
Leaichi Mateo 5:10-12, huasha catij tapuimanda rimaichi:
-
¿Imarasha turmindachinujpis cushi causana ushangui?
Huaranga huaranga Jehová Diosta sirvijcuna turmindarinara ahuantanushca. ¡Cambas paiguna cuinta ahuantangaj ushanguimi!
RUNAUNA CASNA NINUJPI: “Turmindachinujpi ñuca mana ahuantana ushashachu”.
-
Casna tunu iyajcunara ¿maican textoguna yanapana ushan?
IMARA YACHASHCANGUI
Ñucanchira llaquichinujpis Jehová Diosta sirvisha catijpi pai ashcara valichin. Pai yanapaihua ahuantana ushanchi.
Iyaringaj
-
¿Imarasha Jesusta catijcunara turmindachingaj mascanun?
-
¿Imara rurana anchi turmindachinujpi mana manzhasha ahuantangaj?
-
¿Imara canda sirtu quirichin turmindachinujpis Jehová Diosta sirvisha can catina ushashcara?
RICUNGUI
Shu malta huauqui cuartelma mana rishcamanda, Jehová paita imasna yanapashcara ricui.
Ashca huatauna turmindachinujpis shu aillura ima yanapashcara ricui Jehová Diosta sirvinara mana saquingaj.
Mana manzhaihua turmindarinara vinsingaj yachai.
“Turmindarina punzhaunaj mana manzhasha ahuantangaj purunturishun” (La Atalaya, julio de 2019)
¿Imara rurana ushanchi ñucanchi ailluuna turmindachinujpi? Shinallara ¿imara rurana ushanchi ganasta charingahua Jehová Diosta sirvisha catingahuas?
“Diospa Shimi ‘mana ganas causanara, astaun shu isparara’ apamun” (La Atalaya, octubre de 2017)
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
