Runakunam piensanku ima colorniyuq kaspapas mana chiqninakuspa huk sunqulla kawsakuyqa sasa kasqanta.

•   Naciones Unidas organizacionpa secretarion Antonio Guterresmi kaynata nin: “Enteron pachapim runakunaqa colorninkurayku llamkayninkupipas, callepipas utaq maypiñapas chiqninakunku. Chayraykum mana huk sunqullaqa kawsakunkuchu”, nispa.

 ¿Haykapipas huk sunqulla kawsakusunchu ima colorniyuq kaspapas? ¿Imatam biblia nin?

 Bibliam willawanchik runakunamanta Diospa ima piensasqanta.

•   Hechos 17:26 nisqanpim nin: ‘[Diosmi] huk runallamanta rikurichirqa tukuy nacionpi llapallan runakunata chaynapi enteron kay pachapi yachanankupaq’, nispa.

•   Hechos 10:34, 35 nisqanpiñataqmi nin: “Diosqa manam pimanpas sayapakunchu, payqa chaskinmi lliw nacionkunapi respetaqnin hinaspa allin ruwaq runataqa”, nispa.

 Chaynaqa, bibliam niwanchik llapallanchik chulla runallamanta rikurimusqanchikmanta hinaspa ima colorniyuq runatapas Dios chaskisqanmanta.

 Jehova Diosmi Jesusta akllarun kamachimuwaqninchik kananpaq. Jesus kamachimuspanqa runankunatam yachachinqa ima colorniyuq kaspapas manaña chiqninakunankupaq.

•   Isaias 26:9 nisqanpim nin: ‘Runakunam allin ruwayta yachanqaku’, nispa.

•   Isaias 32:17 nisqanpipas ninmi: “Allin kaqman hina ruwayqa hawkayaytam apamunqa, allin kaqman hina ruwayqa hawkayaytawan allinyaytam wiñaypaq apamunqa”, nispa.

 Kunanpas millonnintin runakunam bibliata estudiasqankurayku yachachkankuña ima colorniyuq kaspapas huk sunqulla kawsakuyta.

•   Astawan yachanaykipaq qaway ¡Despertad! sutiyuq revistapi “¿Tiene cura el prejuicio?” niq yachachikuyta.

•   Tayta-mamakunapas warmankutam rimapayananku ima colorniyuq kaspapas mana chiqninakunamanta. Chaymanta yachanaykipaq qaway “¿Cómo hablar con sus hijos sobre el racismo?” niq yachachikuyta.