Hebreos 8:1-13
8 Hinaptinqa tukuy nisqaykunapa yachachikuyninqa kaymi: Kapuwachkanchikmi sacerdotekunapa chayna kamachiqnin,+ payqa hanaq pachapim Diospa trononpa alliqninpi* tiyachkan,+
2 payqa Chuyay-chuyay sitiopim+ servin Jehova* Diospa hatarichisqan chiqap carpapi, manam runapa ruwasqanpichu.
3 Sacerdotekunapa kamachiqninkunaqa llapallankum churasqa kachkanku ofrendakunata hinaspa nakasqa animalkunata Diospaq qunankupaq, chaymi chay sacerdotepas ofrendata Diosman qunan.+
4 Sichu chay sacerdote kay pachapiraq kanman hinaspanqa manam sacerdotechu kanman,+ manaqa kanmanchu Moisespa chaskisqan kamachikuykunaman hina kay pachapi ofrendakunata quq sacerdotekuna ña kasqanraykum.
5 Chay sacerdotekunapa Diosta servisqankuqa karqa hanaq pachapi kaqkunata+ qawachiqllam+ chaynataq tukuy chaykunapa llantuyllanmi. Chayqa sutillam karqa carpata ruwananpaq Moisesta Dios kaynata kamachiptin: “Amam qunqankichu kay urqupi qawachisqayman hina ruwaytaqa”, nispa.+
6 Jesusmi ichaqa Diospa musuq contrato* ruwasqanpa yanapaqnin+ kasqanrayku aswan sumaq llamkayta chaskirun,+ chay rimanakusqanqa ñawpaq promesakunamanta aswan allin promesawanmi ruwakurqa.+
7 Diospa punta contrato ruwasqan alli-allin kaptinqa manañachiki Diosqa musuq contratotaqa ruwanmanchu karqa.+
8 Chayraykum Diosqa Israelpa mirayninkuna pantaq kasqankuta qawachin kaynata nispan: “Ñuqa Jehova* Diosmi nini: ‘Hamuchkanmi punchawkuna Israelpa mirayninkunawan hinaspa Judapa mirayninkunawan musuq contratota* ruwanaypaq.
9 Kay contrato* ruwasqayqa manam ñawpaq abuelonkuwan contrato ruwasqay hinachu kanqa, paykunataqa Egiptomantam+ hurqumurqani, paykunam contrato ruwasqayta yanqacharurqaku, chaymi paykunamantaqa manaña imapas qukuwarqachu, ñuqa Jehova* Diosmi chaynata nini’, nispa.
10 Jehova* Diosmi nin: ‘Chay punchawkunamanta qipata Israelpa mirayninkunawan contrato* ruwasqayqa kaymi: Kamachikuyniytam yuyayninkupi churasaq, sunqunkupim qillqasaq,+ ñuqam Diosninku kasaq, paykunañataqmi runaykuna kanqaku’, nispa.+
11 Diosmi nin: ‘Manañam pipas llaqtamasinkunataqa nitaq wawqi-paninkunataqa ninqañachu “¡Jehova* Diosmantayá yachaychik!” nispaqa. Hatun-uchuymi ñuqataqa riqsiwanqaku.
12 Imapas pantasqankuta pampachaspaymi huchankutaqa manaña yuyarisaqñachu’”, nispa.+
13 “Musuq contratota* ruwanaypaq” nispanqa ñawpaq contrato ruwasqantam mana valeqpaqña rikurirachin.+ Imapas unayña kaqqa hinaspa mawkaña kaqqa chinkananpaqñam kachkan.+
Willakuykuna
^ Utaq: “Pañanpi”.
^ Qaway A5 kaq yachachikuyta.
^ Utaq: “Pacto”. Qaway kay palabrapa ima ninan kasqanta.
^ Qaway A5 kaq yachachikuyta.
^ Utaq: “Pactota”.
^ Utaq: “Pacto”.
^ Qaway A5 kaq yachachikuyta.
^ Qaway A5 kaq yachachikuyta.
^ Utaq: “Pacto”.
^ Qaway A5 kaq yachachikuyta.
^ Utaq: “Pactota”.
