Job 9:1-35
9 Jobñataqmi nirqa:
2 “Arí, chayna kasqantaqa yachanim.
Wañuqlla runaqa, ¿imaynataq Diospa qayllanpiqa mana huchayuq kanman?+
3 Pipas Dioswan quejapi kaspa+ Dios tapuptinqamanam ima niytapas atinmanchu.
4 Diosqa ancha yachayniyuq hinaspa tukuy atiyniyuqmi,+paywanqa manam pipas atipanakunmanchu.+
5 Payqa mana pipa yachasqallantam urqukunata suchuchin,piñakuspallantaqmi urqukunata tuñichin.
6 Kay allpa pachatapas maymi kasqanmantam huklawman kuyuchin,takyachiqninkunatapas katkatatachinmi.+
7 Intitapas mana kanchananpaqmi kamachin,lucerokunatapas mana achkinanpaqmi pakaykun.+
8 Hanaq pachatapas sapallanmi mastarin,+lamar qucha aytinyaptinpas hawanpim purin.+
9 Diosmi unancharqa Cabeza* sutiyuq lucerokunata, Suwapa corralnin* sutiyuq lucerokunata,Suchu* sutiyuq lucerokunata+ chaynataq Mayu* sutiyuq lucerokunatapas.
10 Diosqa tukuy imatam suma-sumaqta ruwan, chaykunamanta yachaytaqa manam atichwanchu,+kuyayllapaq ruwasqankunataqa manam yupayta atichwanchu.+
11 Waqtaypi puriptinpas manam rikunichu,ñawpaqniypi kaptinpas manam riqsinichu.
12 Imatapas hapikuykuptinqa, ¿pitaq harkakunman?
Manam pipas ninmanchu: ‘Ama chaytaqa ruwaychu’, nispaqa.+
13 Diosqa chayachimunqapunim piñakuynintaqa,+manchakuypaq Rahabta* yanapaqkunapas+ paypa qayllanpim kumuykunqaku.
14 ¡Astawanraqchá ñuqa rimariptiyqa!
¡Paywan rimaspayqa allinta tantiarispam rimanay!
15 Imam kaqta rimanay kaptinpas manam imatapas niymanchu.+
Juezllaytam* ñuqaqa mañakuyman llakipayaykuwananpaq.
16 Qayakuptiyqa, ¿yaqachu uyariwanman?
Manapaschá uyariwanmanchu,
17 payqa nisyu wayra-parawan hinam ñakarichiwan,yanqamantam heridaykunatapas mirarachin.+
18 Payqa manam samatyanayta saqiwanchu,sapa kutim llumpayta ñakarichiwan.
19 Diosllam tukuy atiyniyuqqa,+payllam imapas allin ruwaqqa.
20 Allinpaq hapikuspayqa rimasqallaywanchiki pinqaypi qipayman.
Allin ruwaq kaptiypas payqa huchayuq kasqaytam niykuwanman.
21 Allin ruwaq kaspaypas, manam yachanichu imayna kanaymantaqa,kawsakuytapas amiruniñam.
22 Imapas chaynallam, chaymi nini:
‘Allin ruwaqtapas mana allin ruwaqtawan kuskatam chinkachin’, nispa.
23 Qunqayllamanta imawanpas runa wañuruptinqa,payqa ñakarisqanta qawaspach asikunman.
24 Kay allpa pachaqa mana allin ruwaqkunapa makinpim kachkan,+payqa juezkunatapas ñawsata hinam pantaypi kachin.
Mana pay kaptinqa, ¿pitaq kanman?
25 Allin kallpaqmantapas* aswan utqaymanraqmi wataykuna tukuchkan,+manaraqpas kusisqa kachkaptiymi wataykunaqa tukuruchkanña.
26 Tuturamanta bote hinam utqayman pasachkan,mikunanta hapinanpaq pawaq anka hinam kawsakuyniyqa utqaylla chinkachkan.
27 Sichum niyman: ‘Imapas llakichiwaqniykunatam qunqasaq,hinaspaymi kusisqaña kasaq’, nispay.
28 Hinaspapas nanaywan hinalla kasqayraykum mancharisqallaña kayman,+manataqmi mana huchayuqpaq hinatachu hapiwankiman,
29 aswanqa huchayuq kasqaytañam niwankiman.
Hinaptinqa, ¿imapaqñataq kallpanchakuyman?+
30 Riti yakuwan mayllakuptiypas,jabonwan* suma-sumaqta mayllakuptiypas,+
31 qamqa mitu quchamanmi wischuykuwankiman,hinaptinmi pachaypas millakuwanman.
32 Diosqa manam ñuqa hina runachu imatapas ninaypaqqanitaq juezman kuska rinaykupaqqa.+
33 Manam pipas kanchu yanapaykuwaqniykuqa,juez hina ñuqaykuta allichawaqniykuqa.
34 Manaña Dios ñakarichiwaptinqahinaspa manaña manchachiwaptinqa,+
35 mana manchapakuspaymi rimapayayman.
Ñuqaqa manam haykapipas manchapakuspayqa rimarqanichu”, nispa.
Willakuykuna
^ Hebreo rimaypiqa nichkan: “Ash”, nispam.
^ Hebreo rimaypiqa nichkan: “Kesil”, nispam.
^ Hebreo rimaypiqa nichkan: “Kima”, nispam.
^ Hebreo rimaypiqa nichkan: “Sur lawpi cuartokuna”, nispam.
^ Ichapas kaypiqa rimachkan lamar quchapi manchakuypaq challwamanta.
^ Ichapas kanman: “Quejakuqnillaytam”, niqpas.
^ Utaq: “Raskiqmantapas”.
^ Utaq: “Lejiawan”.
