Santiago 5:1-20
5 Yaw apukuna, qipa punchaw ñakarinaykichikmantayá waqaspa qaparkachaychik.+
2 Tukuy kapuqnikichikpas ismurunmi, pachaykichikpas puyusqam kachkan.+
3 Llapa qurikichikpas hinaspa qullqikichikpas lliwñam akarun, chayna akarusqanmi qawachinqa mana allin kasqaykichikta, hinaspam aychaykichiktapas tukurunqa. Tukuy ima huñusqaykichikpas qamkunapaqmi tukupay punchawkunapi nina hina kanqa.+
4 Cosechaykichikpi llamkaqkunamanmi mana pagapurqankichikchu, chay mana pagapusqaykichik qullqim qayakuchkanmanpas hina kachkan, chaymantapas cosechaqkunapa qaparispanku yanapakuy mañakusqankutam angelkunata kamachiq Jehova* Dios uyarirun.+
5 Kay pachapim qamkunaqa tukuy imayuq kawsarqankichik, hinaspam aychaykichik kusichiypi purirqankichik, wañuchisqa kanaykichik punchawpipas qamkunaqa hinallam puqukuchkankichik*.+
6 Mana huchayuq runatam tumparqankichik hinaspa wañurachirqankichik. Hinaptinqa, ¿manachu payqa qamkunapa contraykichikpi kachkan?
7 Chaynaqa wawqi-panillaykuna, señorninchik chayaramuspa kaypi kanan* tiempokamayá pacienciakuychik.+ Chakrapi llamkaqpas chakrapi tarpusqan rurunantam suyan, payqa pacienciawanmi suyan punta chayamuq paratawan puquy parata.+
8 Chaynayá qamkunapas pacienciakuychik,+ sunquykichikpas amayá iskayrayachunchu, hichpallañam kachkan señorninchik chayaramuspa kaypi kanan* tiempoqa.+
9 Wawqi-panillaykuna, amayá huknikichikmantaqa mana allintaqa rimaychikchu chaynapi ama juzgasqa kanaykichikpaq,+ punkullapiñam kachkan juzgawaqninchik señorqa.
10 Diosmanta willakuqkunam* yanqamanta ñakarichisqa karqaku,+ chaywanpas pacienciakurqakum,+ paykunam Jehova* Diospa sutinpi rimarqaku.+ Wawqi-panillaykuna, paykunapa imayna kasqantayá qatipakuychik.
11 Yachasqanchikpi hinapas, ¡mayna kusisqam ñakariykunata aguantaqkunaqa!+ Uyarirqankichikmi Job sutiyuq runa ñakariykuna aguantasqanmanta,+ yachankichiktaqmi Jehova* Dios payta bendecisqantapas.+ Chaywanmi yachanchik Jehova* Diosqa ancha kuyapayakuq hinaspa ancha llakipayakuq kasqanta.+
12 Wawqi-panillaykuna, amapuniyá hanaq pacharaykupas, kay pacharaykupas nitaq imaraykupas juraychikchu. Aswanqa “arí” nispaqa cumpliychikyá, “manam” nispapas manam nisqaykichikman hinayá ruwaychik,+ chaynapi Dios mana juzgasunaykichikpaq.
13 ¿Sasachakuykunawanchu mayqannikichikpas ñakarichkan? Sasachakuykunawan ñakarispaqa Diostayá tukuy tiempo mañakuchun.+ ¿Mayqannikichiktaq kusisqa kachkan? Kusisqa kaspaqa salmokunatayá Diospaq takichun.+
14 ¿Mayqannikichiktaq unquchkan*? Unquspaqa iñiqkuna ukupi punta apaqkunatayá*+ qayakuchun, chaynapi Jehova* Diospa sutinpi chay unquqta aceitewan llusiykuspa+ Diosta mañapunankupaq.
15 Mana iskayrayaspa Diosta mañapusqankuqa unquq* runatam sanoyachinqa, Jehova* Diospas allinña kananpaqmi yanapanqa. Chaymantapas ima hucha ruwarusqanmantapas pampachasqam kanqa.
16 Chaynaqa, ama pinqakuspayá huchaykichikta+ willanakuychik, hinaspapas llapallaykichikpaqyá Diosta mañakuychik, chaynapi sanoyanaykichikpaq. Allin ruwaq runapa tukuy sunquwan Diosta mañakusqanqa anchatam pitapas yanapan*.+
17 Eliaspas ñuqanchik hina sentimientoyuq runallam karqa, chaywanpas mana paramunanpaq tukuy sunqunwan Diosta mañakuptinmi kimsa wata suqta killan mana paramurqachu.+
18 Huktawan Diosta mañakuptinñataqmi paraykamurqa, hinaptinmi chakrapi kawsaykunapas rururqa.+
19 Wawqi-panillaykuna, mayqinnikichikpas chiqap yachachikuymanta karunchakuruptin huknikichikñataq kutichimuptinqa,
20 chay pantay ñanmanta+ kutichimuqmi chay huchallikuqta wañuymanta salvaykunqa, hinaptinmi huchallikuqpa maynaña huchantapas Diosninchik pampachaykunqa.+
Willakuykuna
^ Qaway A5 kaq yachachikuyta.
^ Griego rimaypiqa nichkan: “Sunquykichikta puquchichkankichik”, nispam.
^ Qaway “chayaramuspa kaypi kasqan” niqpa ima ninan kasqanta.
^ Qaway “chayaramuspa kaypi kasqan” niqpa ima ninan kasqanta.
^ Utaq: “Profetakunam”. Qaway kay palabrapa ima ninan kasqanta.
^ Qaway A5 kaq yachachikuyta.
^ Qaway A5 kaq yachachikuyta.
^ Qaway A5 kaq yachachikuyta.
^ Qaway A5 kaq yachachikuyta.
^ Utaq: “Ancianokunatayá”. Qaway kay palabrapa ima ninan kasqanta.
^ Kaypiqa rimachkan Dios servikusqanpi unqusqa hina tarikusqanmantam.
^ Ichapas kanman: “Pisipasqa”, niqpas.
^ Qaway A5 kaq yachachikuyta.
^ Utaq: “Ancha atiyniyuqmi”.
