Haaretz.com nisqapim willakun, Israel nacionpi runakunaqa manañas hospitalpi llamkaqkunataqa quejakunmankuñachu “manaraq nacechkaptinku imapas onqoyniyoq kanankumanta tarinapaq kachkaptinpas”, “hina onqoqta kawsanankupaq saqesqankumantaqa”. Taytankus ichaqa quejakunmanku uywasqankumanta gastasqankuta kutichipunankupaq hinaspa wañunankama tukuy ima necesitasqankupi yanapananpaq.

Australia nacionpim, chunka warmi-qarikunamanta manaraq casarakuchkaspa pusaq uywanakunku.

Grecia nacionpi autoridadkunam willakurqa, imaynam kikinkumanta wañuchikuq runakuna 2011 watapi enero killamanta mayo killakama 2010 watamantaqa yaqa partenpiwanraq (40%) yapakurusqanta. Kayqa qallaykurqam allpantinpi qollqemanta sasachakuywan kuska.

Estados Unidos nacionpi runakunam llapan mikunankumanta yaqa chawpi partenta usuchinku, chaytam nin Consejo para la Defensa de Recursos Naturales nisqan. Chakrapi tarpusqankumantam yaqa chunka kaq partenta mana cosechankuchu, restaurantepi mikuy qarasqankumantam yaqa pichqa kaq partenta mana mikunkuchu hinaspam familiapipas lliw mikuy rantisqankumanta tawa kaq partenta wischunku.

Madagascar lawpim tarirunku camaleon nisqa aswan uchuychalla kaq sukullukuychata. Wakiqninpa sayayninqa yaqa sillu sayayllam. Kay sukullukuychaqa chinkaruypaq hinam kachkan yachasqan sitiokunapi runakuna imatapas ruwasqankurayku.