Manam qunikuchu. Ñuqaykuqa tukuy imatam ruwaniku sunquykumanta qullqi qusqaykuwan. Yachanikum diezmo quy imarayku qallarisqanmanta, yachanikutaqmi imanasqa ñuqaykuqa diezmota mana qusqaykumantapas

 Ñawpaq Israel nacionmanmi Dios kamachirqa sacerdotekunapaq diezmota qunankupaq (chayqa karqa imapas chunka kapuqninkumanta hukninta quymi). Ichaqa bibliam nin Jesuspa qatiqninkunaqa chay kamachikuyta manaña ruwanankupaq kasqanmanta. Chaymi paykunaqa diezmotaqa manaña qurqakuchu (Hebreos 7:5, 18; Colosenses 2:13, 14).

 Chayraykum testigokunapas diezmotaqa mana qunikuchu aswanqa apostolkunapa tiemponpi iñiqkunatam qatipakuniku. Paykunaqa yanapakuqkum sunqunkumanta qullqinkuta qusqankuwan hinaspa mana qullqillapaq Diosmanta willakuspa yachachisqankuwanpas.

 Chayna ruwasqankuqa bibliapa kayna nisqanwanmi tupan, ninmi: ‘Sapakamayá quchun sunqunpi tanteasqanman hina, ama llakikuspachu nitaq obligasqachu, Diosqa kuyan kusikuywan quqtam’, nispa (2 Corintios 9:7).