Isaías 12:1-6
12 Chay p’unchaymi ninki:
“Jehová Diosníy, gracias niykin.
Noqapaq phiñakurqankiña chaypas,phiñakuyniykiqa pisi-pisimantan tiyaykurqan,qanmi thaj kayta qoykuwanki.+
2 ¡Qhawariychis! Diosmi salvawaqniyqa,+paypin confiasaq, manan manchakusaqchu.+
Jehová* Diosmi kallpa qowaqniyqa,Jehová Diosmi atiy qowaqniyqa,paymi salvaqniypas”,+ nispa.
3 Salvacionta qoq pujyumantan unuta orqonkichis,may kusisqan chay unuta orqonkichis.+
4 Chay p’unchaymi ninkichis:
“¡Jehová Diosman graciasta qoychis, sutinmanta wajakuychis,imakunachus ruwasqanta llaqtakunaman willamuychis!+
Ancha jatun sutinmanta willamuychis.+
5 Jehová Diosman takiychis,*+paymi musphanapaq kaqkunata ruwaqqa.+
Jallp’antinpi chaykuna willasqa kachun.
6 Sionpi tiyaqkuna,* kusikuymanta qapariychis,Israelpa ch’uya Diosninqa qankuna ukhupin kashan, ancha jatunmi payqa”, nispa.
Uraypi willakuykuna
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “musicata tocaychis” nillanmantaqmi.
^ Hebreo rimaypiqa “Sion llaqta warmi” ninmi.
