Sofonías 2:1-15
2 Mana p’enqakuq nación runakuna,+ juñukuychis,arí, llapaykichis juñukuychis.+
2 Manaraq juzgananpaq Diospa kamachikuynin junt’akushaqtin,manaraq chay tiempo wayraq apasqan q’opa* jina usqhaylla pasashaqtin,manaraq Jehová Diospa k’araq phiñakuynin qankunaman chayamushaqtin,+manaraq Jehová Diospa sinchi phiñakuynin p’unchay qankunaman chayamushaqtin,
3 kay pachapi llapa llamp’u sonqo runakuna, Jehová Diosta maskhaychis,+
chanin kamachikuyninkunata kasukuqkuna, payta maskhaychis.
Chanin kaqta ruwaychis, k’umuykukuq kaychis.
Ichapas Jehová Diospa k’araq phiñakuynin p’unchaypi pakaykusqa kawaqchis.+
4 Gaza llaqtaqa wijch’usqan kapunqa,Asquelón llaqtapas purunyachisqan kapunqa.+
Asdoj llaqtaqa chaupi p’unchaypin wijch’usqa kapunqa,Ecrón llaqtapas t’irasqan kapunqa.+
5 “¡Ay imaraqmi kanqa lamar-qocha patapi tiyaqkunamanta,keretita runakunaq nacionninmanta!+
Jehová Diosmi qankuna contra nin:
Filistea runakunaq tiyanan Canaán jallp’a,noqan thunisayki manaña juj runallapas qanpi qhepanankama, nispa.
6 Lamar-qochaq cantonkunan pasto pampaman tukupunqa,chaypin michiqkunapaq unu pozokuna kapunqa,chaypin ovejakunapaq rumi kanchakuna kapunqa.
7 Chay lado jallp’aqa Judá runakunamanta qhepaqkunapaqmi kapunqa.+
Chaypin mijunqaku,tardeyaykuytataq Asquelón llaqta wasikunapi samanqaku.
Jehová Diosninkun paykunata khuyapayanqa,preso apasqa kaqkunatan kutichimpunqa”.+
8 “Uyarinin Moab llaqtaq burlakusqanta,+ uyarinin Anmón runakunaq k’amisqanta,+llaqtaytan asipayarqanku, jatunchakuspan llaqtaypa jallp’anta qechuyta munarqanku.+
9 Chayraykun noqa wiñaypaq kausaq Dios jurani,Moab llaqtaqa Sodoma llaqta jinan kapunqa,+Anmón llaqtaqa Gomorra llaqta jinan kapunqa,+kisa-kisamanmi tukupunqa, kachi t’oqomanmi tukupunqa, ch’inmi kapunqa.+
Llaqtaymanta puchuqkunan tukuy imankuta qechupunqaku,nacionniymanta qhepaqkunan jallp’ankuta jap’ikapunqaku” ninmi ejercitokunata kamachiq Jehová Dios,* Israelpa Diosninmi.
10 Jatunchakuq kasqankumantan chhaynapi tarikunqaku,+jatunchakuspan ejercitokunata kamachiq Jehová Diospa llaqtanmanta burlakurqanku.
11 Jehová Diosqa may manchakunan paykunapaq kanqa.
Llapa idolokunatan kay jallp’amanta chinkachinqa,islakunapi tiyaq llapa nacionkunan k’umuykamunqaku,+sapankankun maypichus kashasqankumanta k’umuykamunqaku.
12 Diosmi nin: “Yau Etiopía runakuna, qankunapas espadaywanmi wañuchisqa kankichis”,+ nispa.
13 Diosmi makinta wichay ladoman jaywarispa Asiriata chinkachinqa.
Nínive llaqtatan purunyachinqa,+ ch’aki pampamanmi tukuchipunqa.
14 Chaypiqa imaymana clase salqa animalkunan puñunqa.
Pelicanopas erizopas urmasqa columnakunapin puñunqaku.
Waqaymi ventanapi uyarikunqa.
Punku jaykunapas k’urpa montonmi kapunqa.
Cedro tablakunapas wijch’u-wijch’un kapunqa.
15 Kaymi jatunchakuspa mana imata manchakuspa tiyaq llaqta, sonqonpin niq:
“Sapallaymi kani, manan noqa jinaqa pipas kanchu”, nispa.
¡Kunanqa mancharikunamanmi tukupun,salqa animalkunaq puñunanmanmi tukupun!
Llapa chayninta puriqmi burlakuspa umanta maywirinqa.*+
Uraypi willakuykuna
^ Chaypiqa “ñut’u paja” nillanmantaqmi.
^ Qhaway Explicasqa simikuna nisqapi “Ejercitokunata kamachiq Jehová Dios” nisqata.
^ Hebreo rimaypiqa “silbaspa saqmata oqarinqa” ninmi.
