Job 14:1-22
-
Zofarpa nisqanman Jobpa kutichishallasqanmanta (1-22)
14 ”Warmimanta naceq runaqa pisi tiempollan kausan,+llakikuyninkunapas mana tukurikuqmi.+
2 T’ika jinan t’ikarin, chaymantataq ch’akipun;+llanthu jinan purin, chaymantataq chinkapun.+
3 Chhaynaña kaqtinpas, ¿imaraykun ñawillaykipi runata purichinki?
¿Imaraykun juiciollapi runakunata sayachinki?*+
4 ¿Pin juchasapamanta paqarimuqta ch’uyaman tukuchinman?+
¡Manan pipas chay ruwaytaqa atinmanchu!
5 Runaq kausanan p’unchayqa yupasqañan kashan,jayk’a killachus kausananpas makiykipin kashan;maykamachus kausanantapas churankiñan, manataqmi chaytaqa wasapanmanchu.+
6 Ñawiykita runamanta ayqerichiy, jinalla thaj kakuchun,p’unchayninkuna junt’akunankama thaj kakuchun,llank’apakuq runapas p’unchay tukukunankaman llank’an.+
7 Sach’apaqpas kanraqmi suyakuyqa.
Wit’unkuña chaypas jujmantan ch’ijchimun,k’allmankunapas wiñashallanmi.
8 Saphinña jallp’a ukhupi machuyapun chaypas,k’ullunña wañupun chaypas,
9 unu chayaqtinqa jujmantan ch’ijchimun,chayllaraq plantasqa sach’a jinan wiñamun.
10 Runan ichaqa wañuspa manaña ima ruwaytapas atinchu;juj runa wañupuspa, ¿maymanmi ripun?+
11 Lamar-qochapi unupas ch’akipunmi,mayupas wajsiripuspan ch’akipun.
12 Chhaynatan runapas wañuspaqa mana jatarinñachu.+
Janaq pacha kashanankamaqa manan sayarinqachu,puñusqanmantaqa manan rijch’arinqachu.+
13 ¡May allinchá kanman Sepulturapi* pakawankiman chayqa!+
¡Phiñakuyniyki pasanankama pakawankiman chayqa!
¡Allinchá kanman yuyariwanaykipaq juj p’unchayta churawaq chayqa!+
14 Juj runa, ¿atinmanchu wañupuspa kausarimpuyta?+
Noqaqa esclavo jina llank’asqay p’unchaykuna tukukunankaman suyakusaq,*librasqa kanay p’unchay chayamunankaman suyakusaq.+
15 Qanmi wajamuwanki noqataq kutichimusayki.+
Kamasqayki runatan mayta rikuyta munanki.
16 Kunanmi ichaqa qhawashallanki maychus purisqayta,yupashallankin pantasqaytapas.
17 Juchallikusqayqa bolsapin wisq’asqa kashan,pantasqaytapas qanmi allinta k’askachispa waqaychanki.
18 Imaynan orqokunaqa urmaykamuspa llapa thunirikun,imaynan qaqapas maypichus kasqanmanta urmaykapun,
19 imaynan unupas pisi-pisimanta rumita gastapun,imaynan mayupas pisi-pisimanta jallp’ata mijupun,chhaynatan qanpas runaq suyakuyninta lliuta apapunki.
20 Runataqa wañupunankaman ñak’arichishallanki,+cuerponta cambiaspan aya p’ampanaman apachipunki.
21 Churinkunatan jatunchanku, paytaq mana rikunchu,churinkunatan pisichanku, paytaq mana yachanchu.+
22 Runaqa kausaspallan nanayta reparan,kausaspallan imamantapas llakikun”, nispa.
Uraypi willakuykuna
^ Hebreo rimaypiqa “sayachiwanki” ninmi.
^ Chaypiqa Sepulturapi suyakunanmantan rimashan.
