Proverbios 18:1-24
-
“Sapallan kananpaq karunchakuqqa munaynillantan maskhan” (1)
-
“Jehová Diospa sutinqa allin perqasqa torre jinan” (10)
-
Qhapaq kayqa runaq piensaynillanpaq pakakuna perqa jina kasqanmanta (11)
-
Quejanakuypi iskayninta uyariyqa yachayniyoq kay kasqanmanta (17)
-
Wayqemantapas aswan k’askakuq amigomanta (24)
18 Sapallan kananpaq karunchakuqqa munaynillantan maskhan,allin yachayniyoq kaytapas wijch’uykukunmi.
2 Mana yuyayniyoq runaqa manan imatapas yachayta munanchu,aswanpas sonqonpi imachus yuyaykusqallantan rimayta munan.+
3 Mana allinta ruwaq runaqa pisichasqan kanqa,p’enqayta ruwaqqa pisichasqan kanqa.+
4 Runaq rimasqanqa chinkay-chinkay ukhu unu jinan,+yachay pujyuqa askha unuyoq mayu jinan.
5 Manan allinchu millay runaman sayapakuyqa,+chanin runapaq justiciata mana ruwapuypas.+
6 Mana yuyayniyoq runaq rimasqanqa ch’aqwatan jatarichin,+siminpas soq’anatan mañakun.+
7 Mana yuyayniyoqpa rimasqanqa pay kikinpa mana allinnillanpaqtaqmi,+siminqa kausayninpaqmi trampa jina.
8 Yanqamanta tumpaqpa rimasqanqa sumaq mijuna jinan,+enterollanta oqoykusqa wijsaman jaykuq mijuna jinan.+
9 Llank’ananpi qella runaqa ch’usaqyachiqpa wayqenmi.+
10 Jehová Diospa sutinqa allin perqasqa torre jinan,+chaymanmi chanin runaqa phawan, chaypin pakasqa kanqa.*+
11 Qhapaq runapaqqa qhapaq kayninmi allin perqasqa llaqta jina,paypa yuyaykusqanman jinaqa pakakuna perqa jinan.+
12 Runaq jatunchakuq kayninqa ch’usaqyachiymanmi apan,+humilde sonqo kaymi ichaqa jatunchasqa kayman apan.+
13 Manaraq imatapas allinta uyarishaspa kutichiyqamana yuyayniyoq kaymi, p’enqaymi chayqa.+
14 Runataqa kusisqa kasqanmi yanapan onqoyninta aguantananpaq,+ichaqa, ¿pitaq aguantayta atinman llakiq ñit’isqan sonqota?+
15 Allin reparaq runaq sonqonqa imaymana yachaytan tarin,+yachayniyoq runaq ninrinqa allin yachaytan maskhan.
16 Runaq imachus regalasqanqa punkukunatan paypaq kicharin,+respetasqa runakunamanmi apan.
17 Ñaupaqta quejakuqpa rimasqanqa cheqaq jinan,+qhepanta jamuq runa tapuspa sut’inchanankama.+
18 Sorteaspan ch’aqwaykunataqa allichakun,+chayta ruwaspan iskay kallpasapakunaq churanakuynintaqa allichakun.*
19 Phiñachisqa wayqeman asuykuyqa aswan sasan allin perqasqa llaqtaman jaykuymantaqa,+kanmi allin perqasqa llaqtaq rejankuna jina phiñachinakuy.+
20 Runaq imayna rimasqanqa wijsanman junt’achisqan mijuna jinan,+imayna rimasqanman jinan chaskinqa.
21 Runaq rimasqanqa* atinmi wañuchiytapas kausachiytapas,+rimasqankuwan kusikuqkunaqa chayman jinan chaskinqaku.+
22 Allin esposata tariqqa ancha valorniyoq kaqtan tarin,+Jehová Diospa allin qhawarisqantaqmi kanpas.+
23 Wajcha runaqa valekuspan riman,qhapaq runan ichaqa k’araq simiwan kutichin.
24 Kanmi paykunapura k’irinakuq compañerokuna,+kallantaqmi wayqemantapas aswan k’askakuq amigo.+
Uraypi willakuykuna
^ Hebreo rimaypiqa “altoman churasqa kananpaq” ninmi. Chaypiqa mana piqpa aypananpi kaymantan, salvasqa kaymantan rimashan.
^ Hebreo rimaypiqa “kallpasapakunataqa t’aqakun” ninmi.
^ Hebreo rimaypiqa “qallunqa” ninmi.
