Salmos 76:1-12
Takiqkunata pusariqpaq. Cuerdayoq tocanakunawan yanapachikunapaq. Asafpa takin.+
76 Diosqa allin reqsisqan Judapiqa,+sutinpas may jatunmi Israelpiqa.+
2 Paypa samananqa Salenpin kashan,+tiyanantaq Sionpi kashan.+
3 Chaypin raurashaq flechakunata, jark’apakuna escudotapas p’akirqan,chaypin espadatapas guerrapaq armakunatapas ñut’urqan.+ (Séla).
4 Qanqa may jatun k’anchaywanmi k’anchanki,*salqa animalkunaq tiyasqan orqokunamantapas aswan admiranan kanki.
5 Mana manchakuq runakunan ch’utisqa kapunku.+
Maqanakuqkunaqa misk’i puñuypin kasharqanku,manan pipas paykunata yanapaq karqanchu.+
6 Jacobpa Diosnin, anyasqaykiraykun carreta apaq soldadoqa wañupurqan,anyasqaykiraykun caballokunapas wañupurqan.+
7 Qanllan manchana Diosqa kanki.+
¿Pin k’araq phiñakuyniykita aguantanman?+
8 Janaq pachamantapachan juchachamurqanki,+chaywanmi jallp’a pachaqa mancharikurqan, jinaspa ch’innipurqan.+
9 Juzgananpaq Dios jatariqtinmi mancharikurqan,kay pachapi llamp’u sonqokunata librananpaq sayariqtinmi ch’innipurqan.+ (Séla).
10 Runaq phiñakusqanqa qanpa jatunchasqa kanaykipaqmi,+phiñakuyninmanta puchuqqa qan alabasqa kanaykipaqmi.
11 Jehová Diosman prometekuychis, chaytataq junt’aychis,+muyuriqninpi kaqkuna, manchakuywan payman regalota apaychis.+
12 Umallikunaq jatunchakuynintan ch’usaqyachinqa.
Kay pacha reykunatan manchakuymanta khatatatachinqa.*
Uraypi willakuykuna
^ Chaypiqa “k’uyusqa kashanki” nillanmantaqmi.
^ Khatatataytaqa “kharkatiy” nillankutaqmi.
