Salmos 93:1-5
93 ¡Jehová Diosmi rey kapun!+
May jatun kaywanmi p’achasqa kashan,Jehová Diosqa kallpawanmi p’achasqa kashan,cinturanpi wataykusqatan chayta apashan.
Kay pachaqa allin tajyachisqan kashan,manan imapas chaytaqa kuyurichinmanchu.
2 Diosníy, tronoykiqa unay tiempomantapachan allin tajyachisqa kashan.+
Qanqa wiñay-wiñaymantapachan kausashanki.+
3 Diosníy Jehová, mayukunan manchakuyta aytikushan,mayukunan manchaytaraq qaparishan,mana sayaspan aytikushan, manchaytan rimarishan.
4 Jehová Diosqa may jatunmi janaq pachapiqa;payqa unukunaq manchay rimarisqanmantapas aswan jatunmi,+lamar-qochaq manchay aytikusqanmantapas aswan atiyniyoqmi.+
5 Yuyarichiyniykikunaqa tukuy sonqowan confianapaqmi.+
Diosníy Jehová, wasiykiqa wiñaypaqmi may munay,+ may ch’uya kanqa.
