Respetoqa pisi-pisimantan chinkapushan. Mayninqa onqosqakunan doctorkunata qapariyapunku, restaurantepi atiendeqkunatapas imaymanatan k’amipunku, avionpi pasajerokunata yanapakuqkunatapas maqapuyta imaraqmi munanku. Escuelapi estudiaqkunapas burlakunku, amenazanku hasta maqanku imaraqmi profesorkunatapas. Wakin político runakunapas mana p’enqarikuspallañan imaymana mana allinkunata ruwanku, wakintaq imayna kasqankumanta alabakuspalla purinku.

 Bibliapiqa allintan yachachin imaynas honrado kana respetoyoq kana chayta. Chaymantapas chaypiqa willashanmi imaraykus kay tiempopi manaña respeto kanchu chayta.

 Kay mundopiqa pisi-pisimantan chinkapushan respeto honrado kaypas.

•   Qaynallan Estados Unidos nacionpi Gallup nisqa encuesta ruwaq empresa tapurisqa runakunata imaynatas kay watakuna runakunata qhawarishanku chayta, chaypin yachakusqa imaynas kay 22 watakunamantaqa kay tiempopi aswan mana allinman runakuna tukupushanku chayta, imaynas astawan pisiyapushan respetopas honrado kaypas chayta.

•   Juj encuesta nisqata ruwaqkunan 28 nacionkunapi 32.000 runakunawan parlarillasqakutaq, pachajmantan yaqa qanchis chunka nisqaku imaynas kay tiempopiqa mana jayk’aq jinaraq runakunaqa mana allinman tukupushanku chayta.

 Bibliapiqa willarqanñan imaynas runakunaqa chhaynaman tukupunanku karqan chayta.

•   “Tukukuy qaylla p’unchaykunataqa sasa tiempokunan chayamunqa. Runakunan kanqa paykuna kikinkuta munakuqkuna, qolqe sonqokuna, alabakuqkuna, hatunchakuqkuna, runamasinkuta k’amiqkuna, tayta-mamankuta mana kasuqkuna, mana reqsikuqkuna, [...] sinchi k’araq sonqokuna, allin kaqta mana munakuqkuna” nispa (2 Timoteo 3:1-3, Diospas simin Qelqa).

 Imaynatas chaypi nisqan junt’akushan chayta yachayta munanki chayqa leey “¿Imaynan kananku karqan kay tiemponchispi runakuna?” nisqa yachachikuyta.

 Yaqa llapa runakuna mana allinmanña ripushanku chaypas, wakin runakunaqa Bibliaq yanapayninwanmi allin runaman tukushanku. Bibliapi yuyaychaykunaqa “Allin pusaqmi, allintan [runakunata] pusanqa kunanpas wiñaykamapas” (Salmos 111:8). Wakinmanta yachasun:

•   Bibliapin nin: “Imatachus runakuna ruwapunasuykichista munankichis, chhaynallatataq qankunapas paykunapaq ruwaychis”, nispa (Mateo 7:12).

   ¿Imaninanmi chay? Runakuna imayna qhawariwananchistachus munanchis chhaynatan noqanchispas ruwananchis. Sumaqtan respetowanmi paykunataqa qhawarinanchis.

•   Bibliapin nin: “Ñataq llullakuyta wijch’upurqankichisña chayqa, sapankaykichis cheqaq kaqta runamasiykichiswan rimaychis”, nispa (Efesios 4:25).

   ¿Imaninanmi chay? Honradon kananchis ima ruwasqanchispipas ima rimasqanchispipas.

 Kaypin astawan yachanki chaykunamanta:

•   Qhawaq revistapi kaq “¿Maypin tarisunman allin kaqta ruwananchispaq yanapayta?” nisqa yachachikuypi.

•   “¿Nos ayuda la Biblia a ser tolerantes?” nisqapi ima.