Jehová Diospa testigonkunaqa unaymi hukkunaq t’ikrasqan Bibliata askhata ruwaspa hukkunaman apaq kayku, chaywantaq yachachiq kayku. Ichaqa qhepamanmi repararqayku llapa runakunaq entiendenanpaq hina Biblia necesitakusqanta, chhaynapi Diospa munasqanman hina ‘cheqaq-kayta reqsinankupaq’ (1 Timoteo 2:3, 4). Chaymi 1950 watapi Bibliapi kaq wakin librokuna inglés simipi lloqsimurqan Traducción del Nuevo Mundo nisqa sutiwan, chayqa confianapaq hina k’apak t’ikrasqan karqan, 130 más simikunapitaq ruwakunpas.

Entiendenapaq hina Biblian necesitakurqan. Rimasqanchis simikunaqa cambianmi watakunaq pasasqanman hina. Chaymi askha Bibliakunapi kan sasa entiendena otaq manaña rimakusqan simikuna. Hinaspapas ñawpa k’uyukunamanta copiakuna ruwasqankutan tarikurqan. Chaykunaq yanapayninwanmi ñawpa k’uyukunapi hebreo, arameo, griego qelqakunata aswan allinta entiendekurqan.

Diospa siminwanmi k’apakta tupanan. Diospa siminta huk simiman t’ikraqqa iman kaqllatan t’ikranan, manan mayqen runapas yuyaykusqanman hinaqa t’ikranmanchu. Ichaqa askha Bibliakunapin Diospa sutin mana rikhurinchu.

Diosta hatunchaq Biblian necesitakurqan (2 Samuel 23:2). Traducción del Nuevo Mundo Bibliapin yaqa 7.000 kutita Diospa sutin rikhurin, ñawpa k’uyukunapi kasqanman hina, hukninmi kay paginaq uranpi tarikun. Kay Bibliataqa unaypin allin-allinta t’aqwispa Diospa yuyaykusqanta k’apakta t’ikrarqanku, chaymi chayta leeqkunaqa allinta entiendenku kusikuywantaq leenku. Kanmanña manaña chay Bibliayki chaypas, kallpachaykikun sapa p’unchay Diospa Siminta leenaykipaq (Josué 1:8; Salmo 1:2, 3).

• ¿Imaraykun necesitakurqan allin t’ikrasqa Biblia?

• ¿Imatan ruwanan Diospa munayninmanta astawan yachayta munaq?