Dianaqa repararanmi llakikuyninkuna machayman apashasqanta. Bibliaqa manan prohibinchu pisillata alcohol ujayta, ichaqa ninmi: “Ama machaqkunawanqa juñukuychu”, nispa (Proverbios 23:20). Machayqa problemakunatan apamun: onqoyta, warmi-qhari t’aqanakuykunata, mana wañunankupi wañuyta ima. Runakuna Bibliaq consejonkunata kasukunkuman chayqa, chay problemakunamantan karunchakunkuman.

Chaytan Diana ruwaran, kunanqa ninmi: “Repararanin machaywanqa mana llakikuyniykunata allichay atisqayta. Filipenses 4:6, 7 textopi nisqanman jinan ruwarani, chaypin nin: ‘Ama imamantapas llakipakuychischu, aswanpas mañakuspa [...] Diosman willakuychis imachus necesitasqaykichista’, nispa. Sapa tutanmi imaymanamanta piensay jap’iwaqtin Diosmanta mañakuq kani. Imayna sientekusqaytan willakuq kani: ­renegasqaymanta, llakikusqaykunamanta, mana imatapas ruway atisqaymanta ima, mañakuqmi kani kallpata jap’inaypaq. Paqaristintaq tukuy atisqayta ruwaq kani chay mana allin sentimientokunata saqenaypaq. Jehová Diosmanta mañakuymi yanapawaran imachus kapuwaqniypi piensanaypaq manataq mana kapuwaqniypichu. Decidikuranin alcoholta amaña jayk’aqpas tomanaypaq, thaj kayta tarisqayta anchata valorasqayrayku”, nispa.

Qhelli juchaman urmaymi astawanqa llakikuyta apamun. Ichaqa Bibliapi yachachikuykunan yanapawasunman chay llakimanta librakunapaq. Bibliaqa willanmi jujkunawan coqueteay pornografiata qhawaypas mana allin kasqanta. Samuel sutiyoq waynan nin: “Facil-llatan piwanpas coqueteaq kani, mayninpiqa manan juj chica gustawaqchu, ichaqa repararanin payman gustasqayta, chaymi kusikunapaq jina chay ruwayqa karan”, nispa. Samueltaqa nishutan tumpaqku coqueto runamanta, chaymi manaña chaychu intencionnin kaqtinpas yuyaypi coqueteaq. Ichaqa conciencianmi juchachaq. Kunanqa ninmi: “Coqueteayqa dañotan ruwasunki, egoísta kaymanmi apasunki”, nispa.

Samuelqa juj articulotan jw.org nisqapi leeran. Chaymantapas piensaranmi Proverbios 20:11 textopi, nin: “Waynapas ruwasqankunawanmi reqsisqa kanqa, kausayninpin rikukun ch’uyachus cheqanchus kasqanqa”, nispa. ¿Imaynatan kay consejo yanaparan? Samuelqa repararanmi coqueteayqa mana ch’uyachu ni allinchu kasqanta. Paymi nin: “Entienderanin chay jinata comportakuq waynaqa casarakuspa mana allin esposo kananta. Piensaykuranin casarakuqtiy juj warmiwan coqueteaqta esposay rikuwaspa imayna sientekunanpi. Repararanin chaywan dañota ruwakunayta. Manan coqueteay fácil kasqanraykuchu allin kanman”, nispa. Samuelqa cambiaranmi chaytaq yanaparan ama qhelli juchaman urmananpaq.

Antonioqa aswan peligropiraqmi tarikuran, payqa pornografía qhaway vicioyoqmi karan. Anchataña munakuran esposanta chaypas, sapa kutillanmi chayman urmaq. Paytaqa 1 Pedro 5:8 yanapasqa, chaypin nin: “Allin yuyaywanpuni imatapas ruwaychis, allintapunitaq cuidakuychispas. Enemigoykichis Saqraqa qaparishaq león jinaraqmi purishan pillatapas millp’uruyta munaspa”, nispa. Antonio nin: “Qhelli imagenkunaqa tukuy ladopin kashan, chaykunan umanchispi quedanman. Chay versiculon yanapawaran chay tentacionkuna maymanta jamusqanpi piensanaypaq. Usqhayllan yuyarinay karan chay qhelli imagenkunaqa Satanasmanta jamusqanta. Kunanqa yachanin Jehová Dioslla yachayniyoq kanaypaq yanapawananta, jinallataq yuyayniyta, sonqoyta, matrimonioyta ima cuidanaypaq makilla kashanaypaq”, nispa. Antonioqa chaskiranmi yanapayta, jinan chay mana allin costumbreta saqeran, aswan jatun problemakunamantataq librakuranpas.

Chhaynaqa, sut’itan rikukun Bibliapi consejokunaqa cuidakunapaq yanapawasqanchista. Ichaqa, ¿imatan ruwasunman aswan jatun problemakunapi tarikuspa? Qhawarisunchis imaynatan Biblia yanapawasunman chayta.