Diosqa mana rikuna espiritun. Paymi kamarqan hanaq pachata kay pachata chaypi llapa kawsaqkunatapas. Paytan ichaqa mana pipas kamarqanchu manataqmi qallariyninpas kanchu (Salmo 90:2). Diosqa munanmi maskhananchista reqsinanchistapas (leey Hechos 17:24-27).

Diosninchisqa sutiyoqmi. Dios imayna kasqantaqa yachasunman kamasqankunata qhawaspa (Romanos 1:20). Ichaqa Diosta allinta reqsinapaqqa Bibliatan estudiananchis. Chay hinapin yachasun sumaq Dios kasqanta (leey Salmo 103:7-10).

Jehová Diosqa cheqnikunmi mana chanin ruwaykunata. Runakunatapas payman rikch’akuqtan kamarqan (Deuteronomio 25:16). Chaymi yaqa llapa runakunapas cheqnikunku mana chanin ruwaykunata. Ichaqa manan Dioschu huchayoq chaykuna kananmanta. Payqa runakunamanmi qorqan paykunallamanta decidiy atiyta, wakinkunan ichaqa mana allinta yuyaykuspa mana allinkaqta ruwanankupaq decidinku. Jehová Diosqa llakikunmi mana allinta decidiqtinchis (leey Génesis 6:5, 6; Deuteronomio 32:4, 5).

Jehová Diosqa chanin kaqtan munakun, chaymi mana wiñaypaqchu mana allin ruwaykunata hinallata qhawanqa (Salmo 37:28, 29). Bibliapin Dios prometewanchis pisi tiempollamanta mana chanin ruwaykunata tukuchinanta (leey 2 Pedro 3:7-9, 13).