33 watapin Jesusqa wañupurqan, hinaspan kawsarimuspa hanaq pachaman ripurqan. Askha watakuna qhepamanmi rey kananpaq churasqa karqan (Daniel 7:13, 14). Hamuq tiempopin thak kawsayta apamunqa, wakchayaytapas tukuchinqa (leey Salmo 72:7, 8, 13).

Jesusmi kay pachata kamachimunqa, chay tiempopi imaymana allinkunata ruwanqa. Taytanpa atiyninwanmi runakunata yanapanqa mana huchayoq ch’uya runa kanankupaq. Llapallankun kusisqa kawsanqaku, manataqmi machuyaypas, payayaypas, wañuypas kanqañachu (leey Juan 5:26-29; 1 Corintios 15:25, 26).

Jesusmi pachantinpi predicacionta aparishan. Paypa qatikuqninkunan Diospa Gobiernonmanta runakunaman willashanku. Jesusmi prometerqan qatikuqninkunata yanapananpaq, chaytan ruwanqa Diospa Gobiernon kay pachapi gobiernokunata tukuchinan p’unchaykama (leey Mateo 24:14; 28:19, 20).

Jesusqa Diospa llaqtanwanmi runakunata yanapan allinta kawsanankupaq. Kay pachapi millay kawsay tukupushaqtinpas yanapanqan mosoq pachaman haykunankupaq (leey 2 Pedro 3:7, 13; Apocalipsis 7:17).