Jesús ciertopacha tiashca yachangapaca, especialistacunaca ashtaca pruebacunatami charin. Jesús y primer cristiano tiashcata ricuchij siglo I y siglo IIpi pruebacunamanda parlashpaca, shuj enciclopedia libropica ninmi: “Pruebacuna tiashcamandami, Jesús ciertopacha tiashcataca cristianocunapa contracunapash na dudan carca. Na imapash pruebacunata charishpatami, siglo XVIII tucuri huatacunapi, siglo XIX y siglo XX callarijuj huatacunapica, Jesús ciertopacha tiashcataca dudai callarirca” ninmi (Encyclopædia Britannica, edición de 2002).

 Huata 2006​pica, Jesús y la arqueología nishca libropica nircami: “Alipacha estudiashca especialistacunaca, Jesús shuti judío tiashca, Josepa churi cashcataca nipipash na dudanllu. Chai especialistacunaca, Jesús imata rurashcata, Jesús imata yachachishcataca cunanbica ashtaca cosascunatami yachanchi” ninmi.

 Bibliapica Jesusca ciertopacha tiashcatami nin. Shinallata Jesuspa ladolla familiacunapa shuticunata, Jesuspa punda familiacunapa shuticunatapashmi Bibliapica nin (Mateo 1:1; 13:55). Shinallata Jesuspa tiempopi mandanajushca gobernantecunapa shuticunatapashmi nin (Lucas 3:1, 2). Chai tucui cosascunata ricushpami investigadorcunaca, Bibliaca ciertota nijushcata comprobai ushan.