Diospa Gobiernoca Jehová Dios churashca Gobiernomi can. Paipa Gobierno jahua cielopi cashcamandami, Bibliapica “jahua cielopi Taita Diospa Gobierno” nishpa rijsin (Marcos 1:14, 15; Mateo 4:17). Taita Diospa Gobierno cai alpapi tiashca gobiernocunahuan casi igual cashpapash, Taita Diospa Gobiernomi ashtahuan yali can.

•   Taita Diospa Gobiernoca shuj Gobernantetami charin. Taita Diosca Jesustami paipa Gobiernopi mandachunga agllashca. Shinallata Jesusmanga ashtaca ashtaca autoridadtami cushca (Mateo 28:18). Jesusca paipa charishca autoridadtaca alita rurangapallami utilizan. Jesús cai alpapi cashpaca llaquij, alimanda cashcatami ricuchirca (Mateo 4:23; Marcos 1:40, 41; 6:31-34; Lucas 7:11-17). Taita Dios Jesustaca jahua cielopi paihuan mandagrichunmi huaquin gentecunata agllachun saquishca (Apocalipsis 5:9, 10).

•   Taita Diospa Gobiernoca ¿imasha tiempotata paranga? Cai alpapi gobiernocunaca cada ratomi cambian pero Taita Diospa Gobiernoca ima horapash na tucuchi tucungachu (Daniel 2:44).

•   Taita Diospa Gobiernoca ¿picunatata mandanga? Taita Diospa munaita ruraj gentecunatami mandanga. Cai gentecunaca shujta shujta llactamandacunami canga (Hechos 10:34, 35).

•   Taita Diospa Gobiernopica ¿ima leycunata tianga? Taita Diospa Gobiernoca nali ruraicunata ama rurachunllaca na leycunata churangachu. Ashtahuangarin ima ali cajta, ima nali cajta gentecuna yachachunmi leycunataca churanga. Por ejemplo, Bibliapica yachachinmi: “‘Canba Taita Dios Jehovataca canba tucui shunguhuan, canba tucui causaihuan canba tucui yuyaihuanmi juyana cangui’ nirca. Chai mandamientomi ashtahuan importante, primer mandamiento can. Cati mandamientopash cashnami nijun: ‘Canba projimotaca can juyarinshnallatami juyana cangui’” nishpa (Mateo 22:37-39). Taita Diosta juyaimanda, shujcunata juyaimandami Taita Diospa Gobierno mandajujpica shujcunata juyaihuan tratashun.

•   Taita Diospa Gobiernoca ¿imatata yachachinga? Ali cajta, ima nali cajta yachachun leycunata yachachishpapash Taita Diospa Gobiernoca chaicunata pactachi ushanatallami yachachinga (Isaías 48:17, 18).

•   Taita Diospa Gobiernoca ¿imatata ruranga? Taita Diospa Gobiernopi mandajcuna, gentecunamanda rico tucungapaca na mandangachu. Ashtahuangarin chai Gobiernoca Taita Diospa munaita pactachingapami can. Taita Diospa Gobiernoca paraíso alpagupi para siempre causangapaj munaj gentecunapaj munaitami pactachinga (Isaías 35:1, 5, 6; Mateo 6:10; Apocalipsis 21:1-4).