Cai mundotaca ¿pishi mandajun?
-
¿Taita Dioscha mandajun?
-
¿Gentecunacha mandajun?
-
¿Diablocha mandajun?
BIBLIACA NINMI
‘Cai pachapajtalla rurashpa causajcunataca Diablomi mandajun’ nishpa. (1 Juan 5:19, Biblia en Quichua de Imbabura.)
Diospa Churi Jesusca ‘Diablo imata rurajujta tucuchingapami shamurca’ nishpa. (1 Juan 3:8.)
BIBLIACA AYUDANMI
Llaquicuna imamanda tiashcata intindichun (Apocalipsis 12:12).
Jipa punllacunapi ali causaigu tianata shuyachun (1 Juan 2:17).
¿IMAMANDATA BIBLIAPI CRINA CAPANCHI?
Quimsa yuyaicunata ricupashun:
-
Diabloca ñana mandangachu. Gentecunata Diablo mandashpa catichunga Jehová Diosca ñana saquingachu. Diosca ninmi: ‘Diablota tucuchishpami’ paipa nali ruraicunatapash anchuchisha nishpa (Hebreos 2:14).
-
Diosca Jesustami agllarca cai Alpata mandachun. Diabloca gentecunataca ninandami llaquichin, paipa munaitallami rurachin. Cutin, Jesús cai Alpata mandajushpaca na shina rurangachu. Jesús mandanamanda parlashpaca Diosca ninmi: ‘Imagutapash na charijtaca llaquingami. Umachi tucunamandapash, ninanda llaquichi tucunamandapash’ gentecunataca quishpichingami nishpa (Salmo 72:13, 14).
-
Diosca na llullanllu. Bibliaca ninmi: ‘Taita Diosca llullaitaca na ushanllu’ nishpa (Hebreos 6:18). Chaitami rurasha nishpaca Jehová Diosca pactachinbachami (Isaías 55:10, 11). Diosca ninmi, ‘cai pachapajtalla rurachishpa mandajca shitai tucungami’ nishpa (Juan 12:31).
TAPURIPAI
Cai mundota Diablo ñana mandajujpica ¿imashinashi causashun?
Bibliapi ima nijta ricupai SALMO 37:10, 11; APOCALIPSIS 21:3, 4.
Cai temacunata ashtahuan liipai
VILLAJUN REVISTA
¿Imamandata mundo enteropi guerracuna illaj, aliguta causanaca shinlli can?
Ashtaca gentecuna cai mundopi tranquilo causaita charingapaj tucuita rurashpapash na ushashcachu. ¿Imamandata na ushashca?
BIBLIAMANDA HUAQUIN YACHACHISHCACUNACA
Diosca ¿imamandata llaquicuna tiachun saquishca?
Ashtaca gentecunaca ¿imamandata ashtaca llaquicuna tian? nishpami tapurin. Shinapash Bibliapica shuj ali causai ñalla tianatami yachachin.
BIBLIAPA TAPUICUNA
¿Diabloca ciertopachachu tian?
¿Diabloca ciertopachachu tian? o ¿nali ruraicunata ricuchingapachu Diablo shimitaca utilizan?
ÑUCANCHIMANDA
¿Imamandata Bibliata yachajuna capanchi?
Mundo enteropi ashtaca gentecunami paicuna yachangapaj munashca tapuicunamanda Bibliapi yachajushca. Quiquinbash bibliamanda yachajungapaj munanguimanllu.
ÑUCANCHIMANDA
Quiquinda cayachun o visitachun mañapailla
Bibliapi imacunamandalla parlajta yachajupai. O testigo de Jehovacuna imashina cashcata yachajupai.
