Lección 8
Llaquicuna japijpica ¿imatata rurashun?
Quiquinguna “cunambi ashacamanlla ima llaquicunata apanapacha cajpipash, shuj shuj llaquicunata apashpa, ninanda cushijunajunguichi.” (1 Pedro 1:6)
Cusahuarmi huahuacunandi cushilla causangapaj munajpipash, na yashcapi llaquicuna chayamujpimi cushilla caitaca ñana usharin (Eclesiastés 9:11). Shinapash ima llaquicuna chayamujpipash Taita Diosmi chai llaquicunata chimbapurachun ayudanga. Shinaca Bibliapi consejocunata pactachishpami ima llaquicuna japijpipash quiquinbash, quiquinba familiapash ñaupaman catita ushapanguichi.
1 JEHOVAPI CONFIAPAICHI
BIBLIAPICA NINMI: “Diosmi cangunataca cuidajun. Shina cajpimi ima llaqui japijpipash, paiman mingashpa saquina canguichi” nishpa (1 Pedro 5:7). Imapash llaqui apajushpaca Taita Diostaca na juchachinachu capanguichi (Habacuc 1:13). Ashtahuangarin Taita Diospaman quimirijpica quiquinda ayudangami (Isaías 41:10). Shinallata Diospa ñaupajpi tucui shunguhuan mañaichi nijunmi (Salmo 62:8).
Ima llaquicunata charishpapash cada punlla Bibliata liina, yachajunami na yapata llaquilla sintirichun ayudanga. Shina rurashpaca “jatun llaquicuna japijpipash” Jehová Dios ayudajtami ricupangui (2 Corintios 1:3, 4; Romanos 15:4). Jehová Diosca ninmi: Casilla ali causaitami caramusha nishpa (Filipenses 4:6, 7, 13).
CAITA RURAPANGUI:
-
Ali pensaringapaj, llaquilla cashcamandalla imatapash ama rurangapaca, Jehová Diosta ayudahuai nishpa mañapangui
-
Imata rurana cashpapash aliguta pensarishpami rurana capangui
2 FAMILIATA CUIDAJUSHPAPASH QUIQUINBASH CUIDARIPANGUI
BIBLIAPICA NINMI: “Ali yuyaita charij runaca, ashtahuanmi ali yuyaita japin. Alipacha yachajushcacunapaj rinrihuanga, ali yachaitallami uyangapaj munan” nishpa (Proverbios 18:15). Tapuripai, ¿ñuca familiaca imashinata sintirin, imatallata minishtin, imashinata ayudaita ushani? nishpa. Paicunahuan parlapai, paicuna ima nijtapash ali uyapangui (Proverbios 20:5).
Familia ucumanda pipash huañushpa chingarijpica ¿imatata rurana capangui? Llaquilla cashcamanda imashina sintirishcataca na pinganayachishpa parlanallami capangui. Yuyaripai, shina llaquilla cashpaca “Jesuspash huacarcami” (Juan 11:35; Eclesiastés 3:4). Shinallata ali samana, ali puñunaca minishtirishcami can (Eclesiastés 4:6). Shina rurashpami ima llaquicuna japijpipash na yapata pinarishpa ñaupaman cati ushapangui.
CAITA RURAPANGUI:
-
Nara imapash pasajpillatami familiahuanga parlana capangui. Shinami ima llaqui japijpipash tranquilo parlai ushapangui
-
Shina llaquicunata charishcacunahuan parlapangui
3 AYUDATA MASCAPANGUI
BIBLIAPICA NINMI: Ali cumbaguca paipaj cumbataca, tucui causaipimi juyan. Llaqui punllacuna japijpipash, huauquitashnami llaquin nishpa (Proverbios 17:17). Quiquinba rijsishca amigocunaca ayudangapaj munangami. Shinapash amigocuna imashina ayudanata na atinajpica, imapipash ayudachun minishtishpaca ninallami capangui (Proverbios 12:25). Shinallata, Bibliata ali intindijcuna ayudachunmi mascana capangui. Shinami Bibliapi consejocunata pactachishpa ñaupaman cati ushapangui (Santiago 5:14).
Taita Diospa nishcacunapi crijcunahuan, Diosta ali sirvijcunahuan ña tandanajujushpaca, ima pasajpipash paicunaca ayudangapaj chaipimi canga. Shinallata desanimarishcacunata ayudashpaca alimi sintiripangui. Paicunamanmi quiquinba femanda, Jehová imata ruragrijujtapash parlana capangui. Shucunata ayudashpa ocupadomi cana capangui. Shinallata quiquinda juyashpa ayudangapaj munajcunamandaca na caruyanachu capangui (Hebreos 10:25; 1 Corintios 15:58).
CAITA RURAPANGUI:
-
Shuj ali rijsihuan parlashpa paipa consejocunata uyapangui
-
Imata minishtishpapash, na manllashpa parlanallami capangui
