Huaquin gentecunaca crinmi:

Armagedonga imapash jatunbacha guerra o imapash jatun llaqui tiashpa tucuchinami canga nishpa. Shinapash ¿imatata nipanguiman?

Bibliapica ninmi:

Armagedonga ‘Tucui Ushaita Charij Taita Dios ninanda llaquichina’ o macanajuna punllami can nishpa. Chaipica tucuilla nali gentecunatami tucuchinga (Apocalipsis [Revelación] 16:14, 16).

¿Imatata Bibliapica ashtahuan nin?

• Taita Diosca na cai Alpata tucuchingachu. Paica cai Alpata ama tucuchichunmi macanajunga (Apocalipsis 11:18).

• Armagedonbimi tucuilla guerracunata tucuchinga (Salmo 46:8, 9).

¿Imatata nipanguiman?

• Ari

• Na

• Na yachapanichu

Bibliapica ninmi:

Tucui llactacunamanda ‘ashtaca gentecunami’ Jatun Manllanai Llaqui punllacunamandapash, Armagedonmandapash salvaringa nishpa (Apocalipsis 7:9, 14).

¿Imatata Bibliapica ashtahuan nin?

• Taita Diosca tucuilla gentecuna Armagedonmanda salvarichunmi munan. Paica gentecuna ñana uyangapaj munajpipachallami tucuchin (Ezequiel 18:32).

• Armagedonmanda imashina salvarinatami Bibliapica yachachin (Sofonías 2:3).