Taita Diosca ñucanchicuna paita mañachun, ñucanchicuna imashina sintirishcata paiman tucuita villachunmi munan. Rey Davidca Taita Diostaca “mañanajujtaca, canmi uyajungui. Cambajmanmi, tucui gentecuna shamunga” nircami (Salmo 65:2). Taita Dios ñucanchi mañaicunata uyachun, bendiciachunga ¿imashinata mañana capanchi?

Salmo 62:8​pica “paipaj ñaupajpica, tucui shungu mañaichiyari” ninmi. Taita Diosta mañajushpaca shungu ucupi imashna sintirishcatami paiman villaita ushapanchi. Taita Diosca tucui shunguhuan paita mañachunmi munan.

Taita Diostaca Señor, jahua pachamanda Taita Dios, tucuita ruraj Dios nishpami rijsin. Shinapash shujlla shutitallami charin. Chaimandami Bibliapica “Ñucaca, Jehová Dios shutimi cani” ninmi (Isaías 42:8, NM ). Jehová shutica 7 mil yali viajemi Taita Diospa shimipica escribishca can. Taita Diosmanda ashtaca villajcunaca, Taita Dioshuan parlajushpaca paipa shutitami utilizarca. Por ejemplo Abrahán runaguca “ñuca Jehová Dioslla [...], canhuan parlashpa catichun” saquihuai nircami (Génesis 18:30, NM ). Ñucanchicunapash Taita Diosta mañajushpaca Jehová Dios nishpami mañana capanchi.

Ima shimipi mañajpipash Taita Diosca ñucanchi imata pensashcata, imashina sintirishcatami intindin. Bibliapica ‘Taita Diosca, na pitapash ñavita ricushpalla chasquinllu. Maijan llactapi cashpapash, paita manllashpa, [alita] rurajtami, Diosca alicachin’ ninmi (Hechos 10:34, 35).

Taita Dios ñucanchita bendiciachunga mañaitallaca na mañanachu capanchi. Shinaca ¿imatata ashtahuan rurana capanchi? Chaitaca cati yuyaipimi yachajupashun.