Taita Diosca paita cazujcunataca ninandami bendician
Taita Diosmanda villaj Moisés runaguca, Taita Diospa mandashcacunata cazujpica Taita Diosca bendiciangami nircami (Deuteronomio 10:13; 11:27). Ñucanchita castiganata manllaimandaca Taita Diostaca na cazunchichu. Taita Diostaca pai ali Dios caimandami juyapanchi. Chaimandami nalicunata rurashpa Taita Diostaca nali sintichingapaca na munapanchichu. Bibliapica “Taita Dios mandashca shimicunata pactachishpa causanajushpallami, paita juyanajushcataca yachanchi” ninmi (1 Juan 5:3).
Taita Diosta cazushpaca ¿ima bendiciongunatata chasquishun? Chaipaca ishcai yuyaicunata yachajupashunchi.
1. TAITA DIOSTA CAZUSHPACA ALI YACHAITAMI CHARISHUN
“Ñucami, cangunata Mandaj Taita Dios cani. Ñucami, cangunapaj ali cachun cangunata yachachini. Canguna maijan ñanda rinatapash, ñucami ricuchishpa pushani” (ISAÍAS 48:17).
Ñucanchita ruraj Taita Jehová Diosca ñucanchitaca alimi rijsin. Shinallata ñucanchi imashina ali causanatapashmi yachachin. Shinaca ñucanchi causaipi ali decisiongunata japingapaca Taita Diospa consejocunatami cazuna capanchi. Ashtahuanbash Bibliapi Taita Dios imata rurachun munashcata yachajushpami pactachina capanchi.
2. TAITA DIOSTA CAZUSHPACA CUSHILLAMI CAUSASHUN
‘Taita Diospaj Shimita yachachijpi uyashpa pactachijcunaca, ninandami cushijun’ (LUCAS 11:28).
Cunanbi ashtaca millón gentecunami Taita Diospa consejocunata catimanda cushilla causan. Por ejemplo, España llactamanda shuj jarica ñapashmi culiranlla carca. Shinallata shuj gentecunatapash, paipa huarmitapash nalimi tratan carca. Shuj punllami chai jarica Taita Diosmanda villaj Moisés runagu José runagumanda imata escribishcata liirca. Joseca Jacobpa churimi carca. Josetaca esclavo shina jatushpami jipamanga yangamanda juchachi tucushpa carcelpi churai tucurca. Shinapash Joseca tranquilo, ali shunguta charij, shujcunatapash llaquishpa trataj runagumi carca (Génesis, capítulo 37manda 45caman). Españamanda jariguca “José runagumanda yachajunami ñucapash tranquilo cachun, ali shunguta charichun, controlarichun, familia ucupipash cushilla causachunbash ayudahuashca” ninmi.
Bibliapimi gentecunata imashina ali tratanata yachachin. Chaitaca cati yuyaipimi yachajupashun.
Cai temacunata ashtahuan liipai
BIBLIAPA TAPUICUNA
¿Bibliaca ñuca familiahuan cushilla causachun ayudaita ushanllu?
Bibliapi alipacha consejocunami ashtaca familiacunataca cushilla causachun ayudashca.
