3. Millai ungüicuna
3. Millai ungüicuna
“Millai ungüicunapash, shuj shuj llactacunapimi tianga” (LUCAS 21:11).
● África llactamanda Bonzali jarica minascunapi trabajaj gentecuna Marburgo nishca ungüihuan contagiarishcacunata ayudangapami ninanda esforzarirca. * Paica autoridadcunatami ayudata mañarca. Shinapash chuscu quillacuna jipami ayudangapaj rirca. Chai horascamanga Marburgo nishcahuan contagiarishpami Bonzalica ña huañushca carca.
INVESTIGACIONGUNACA ¿IMATATA RICUCHIN? Neumonía, diarrea, sida, tuberculosis, paludismo nishca ungüicunahuanmi ashtahuanbachaca gentecunaca huañushca. Cai ungüicunahuanga casi 11 millón gentecunami huata 2004pica huañushca. Chaica cada 3 segundos shuj gente huañushcatami ricuchin.
¿IMATATA HUAQUINGUNACA NISHCA? Cai mundopica ashtahuan gentecunami mirashca. Chaimandami ashtahuan gentecuna ungüicunahuan contagiarishpa catin nishcami.
¿CHAICA CIERTOCHU CAN? Cai mundopi gentecuna mirashpa catijushpapash ima ungüicunalla tiajta yachangapaj, chai ungüicunata imashina jambinata yachangapami ashtahuan yachajushpa catinajushca. Shinaca ¿nachu ungüicunaca tucurishpa catijuna can? Tucurinapa randica ungüicunaca ashtahuanmi mirashpa catijushca.
¿IMATATA YUYAPANGUI? ¿Bibliapi nishcashnachu cunanbi gentecunaca ungüicunahuan padicinajun?
Terremotocunamanda, yarjai tiempocunamanda, ungüicunamandami ashtaca millón gentecunaca sufrin. Cutin ashtaca millón gentecunaca paicunapa familiacunallata llaquichijpimi sufrin. Familiacunallata cuidanashnalla cashpapash paicunallatami huaquinbica llaquichishca. Bibliapi chaicunamanda imata nishcata ricupashun.
[Nota]
^ párr. 3 Fiebre hemorrágica de Marburgo ungüica, ébola nishca ungüihuan shuj parecido virusmandallatami llujshishca.
[Comentario]
“Shuj millai leonda ricushpaca ñucanchita micunga yashpami ninanda manllanayachinchi. Shinallatami shuj virus o imapash ungüi ñucanchi cuerpota ucumanda micushpa tucuchijujta sintishpaca ninanda manllanayachinchi”. (MICHAEL OSTERHOLM, EPIDEMIÓLOGO)
[Reconocimiento]
© William Daniels/Panos Pictures