CALLARI TEMA | ¿TAITA DIOSPA ALI RIJSI TUCUITA USHANCHICHU?
Shuj jatun bendicionmi can
Taita Diospa ali rijsi tucungapaca ¿imatata rurana capangui? Quimsa yuyaicunata cutin yaripashun:
-
Taita Diospa shutita yachashpami paitaca shutipi parlana capangui.
-
Oracionda rurashpa, Bibliata liishpami Taita Dioshuan cutin cutin parlana capangui.
-
Pai imata rurachun nishcatami rurana capangui.
Taita Diospa rijsi cangapaca paipa shutita rijsishpa, mañashpa, Bibliata liishpa, pai ima nishcatapash rurapangui
Taita Diosman quimiringapaca ¿cai quimsa yuyaicunata pactachijupanguichu? ¿O imapipash mejoranachu capangui? Tucuicunallatami imapipash mejorana capanchi. Shinapash tucui shunguhuan esforzarishpaca ashtaca bendiciongunatami charishun.
Estados Unidos llactamanda Jenniferca ninmi: “Imata saquishpapash Taita Diospa ali rijsi cangapaj esforzarishpaca alipachami can. Taita Diospa rijsi tucushpaca, paipi ashtahuan confiashpami paita ashtahuan ali rijsishun, ashtahuan juyashunbash. Chaica shuj jatun bendicionmi can” nishpa.
Quiquinbash Taita Diospa rijsi cangapaj munajpica cushijushpami testigo de Jehovacunaca Bibliahuan yachachinga. Yachachishcamandaca na cobrangachu. Testigo de Jehovacunapa Tandanajui Huasicunapi tandanajuicunaman rishpapash yachajunallami capangui. Tandanajuicunaman rishpaca Taita Diosta juyaj gentecunahuan, Taita Diospa rijsi canata alicachij gentecunahuanmi tandanajupangui. * Shinami Salmos librota escribijshna sintirishpa nipangui: “Taita Diospajman quimirinaca aligupachami” cashca nishpa (Salmo 73:28).
^ par. 9 Bibliata yachajungapaj munashpa o testigo de Jehovacunapa maijan Tandanajui Huasi quiquinba llacta ladollapi tiajta yachangapaj munashpaca Internetpi www.ps8318.com/qvi direccionbi,“¿Bibliamanda yachajungapaj munapanguichu?” “Ñucanchi tandanajuicunaman shamupangui” nishcata callari página ura ladopi mascapangui.
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
REUNIONGUNA
Ñucanchi tandanajuicunaca ¿imashinata can?
Ñucanchi Tandanajui Huasi imashina cajta, chaipi imatacunalla rurajtapash ricupai.
