Cada huatami mundo enteropi testigo de Jehovacuna shinallata invitashca achica achica gentecunapash Jesús huañushcata yuyaringapaj tandanajun (Lucas 22:19). Cai tandanajuimi gentecunamanda Jesús paipa causaita cushpa huañushcamanda agradicishcata ricuchichun ayudan. Shinallata cunan punllacunapipash y jipa punllacunapipash Jesús huañushcamanda imashina beneficiari ushashcatami yachajupanchi (Juan 3:16).

 Cai huata Jesús huañushcata yuyaringapaj tandanajuiman rishpa o na rishpapash ¿imashinata Jesús huañushcamanda beneficiarita ushapangui? Jesusca ishcai importante cosascunata rurachunmi yachachirca:

1.  1. Taita Diosmanda y Jesusmanda yachajupai. Jesús paipa Taitata mañashpaca cashnami nirca: “Quiquinga shujlla, ciertopacha Taita Diosmi capangui. Para siempre causaita ushangapaca, quiquindami alipacha rijsina can. Shinallata quiquin cachamushca Jesucristotapashmi alipacha rijsina can” (Juan 17:3).

2.  2. Yachajushcata pactachipai. Jesusca ñucanchi causaipi yachajushcacunata pactachina canguichi nishpami yachachirca. Por ejemplo, Jesusca Sermón del Montepica ‘imata nishcata uyashpa cazujcunatami’ felicitarca (Lucas 6:46-48). Shinallata shujta viajepashmi cashna nirca: “Caicunataca ñami yachanguichi. Caicunata pactachishpaca cushillami causanguichi” (Juan 13:17).

 ¿Taita Diosmanda y Jesusmanda ashtahuan yachajungapaj munapanguimanllu? ¿Imata yachajushcata imashina pactachinata yachangapaj munapanguichu? Chaipaca cai yuyaicunata ruranami ayudapanga.

 Achica gentecunataca Bibliamanda yachajunami Bibliata ashtahuan aliguta intindichun shinallata imata yachajushcata paicunapa causaipi pactachichun ayudashca.

•   Ashtahuan caimanda yachangapaj munashpaca jw.org paginaman yaicushpami Bibliataca ¿imashinata yachajui ushapangui? nishcaman yaicuita ushapangui

•   Testigo de Jehovacuna Bibliamanda imashina yachachijta ricungapaj munashpaca Cushilla causapashunchi nishca librohuan Bibliata yachajupai nishca videota ricupai.

 Testigo de Jehovacunaca semanapi ishcai viajetami Salón de Reinocunapi tandanajun. Chai tandanajuicunapimi Bibliapi imata yachachijta shinallata yachajushcata imashina ñucanchi causaipi pactachi ushanata yachajupanchi.

 Cai tandanajuicunamanga tucui gentecunami shamuita ushan. Maipi causashcata ricushpami tandanajuimanga en persona o zoombi tandanajuita ushapangui.

•   Tandanajuicuna imashina cashcata yachangapaj munashpaca Ñucanchi tandanajuicunaca ¿imashinata can? nishca videotami ricuita ushapangui.

•   Testigo de Jehovacunapa tandanajuicunaman nishca paginaman yaicushpami quiquin causajusha ladopi shuj tandanajui huasita mascaita ushapangui.

 Cai paginapi llujshishca revistacuna y videocunami Jesusmanda ashtahuan yachajuchun y Jesús huañushcata ashtahuan valorachun ayudanga.

 Por ejemplo, shujlla jari huañushcamanda imashina tucui gentecuna beneficiari ushashcata ashtahuan yachajungapaj munashpaca “¿Jesusca ñucanchitaca imashinata salvarca?”, “¿Imamandata Jesusca sufrishpa huañuna carca?” nishca temacunatami ricuita ushapangui. Shinallata ¿Imamandata Jesusca huañurca? nishca videotapashmi ricuita ushapangui.