SIEMPRE CHAPARIANSHNA CAUSASHUNCHI

Politicocunaca Armagedón tianatami ninajun | Bibliapica ¿imatata nin?

Cai idiomapi uyangapaj o ricungapaj

Lunes 10 de Octubre de 2022taca tutamandatami Rusia llactaca Ucrania llactata atacangapaj misilcunata shitarca. Chaitaca hace ishcai punllacuna, Crimea y Rusia llactacunata unijuj puenteta bombahuan tujyachishcamandami shina rurarca. Cai cosascunaca, Armegedón tiagrinmi nishpa huaquin politicocuna advirtishca jipallami shina pasarca.

“6 de Octubre de 2022taca Estados Unidosmanda Joe Biden presidenteca cashnami nirca: “Estados Unidospa presidente Kennedypa punllacunapishna y Cuba llactamanda misilcunata shitashca punllacunapishnami cunanbica Armagedón tianaca ashtahuan ricurijun. . . . Ñucaca yanimi, arma nuclearcunata utilizashpaca maimandami Armagedonga tianga”.
Arma nuclearcunata utilizaimanda ima peligrocuna tianata tapujpica, Ucrania llactamanda Volodymyr Zelensky presidenteca nircami: “Arma nuclearcunata utilizajpica Armagedonmi callaringa. Porque chaica mundo enterotami llaquichinga” nircami. Chaitaca 8 de Octubre de 2022tami, BBC News noticiapi nirca.

¿Arma nuclearcunata utilizajpichu Armagedón callaringa? ¿Imatata Bibliapica nin?

¿Arma nuclearcunata utilizajpichu Armagedón callaringa?

Na. “Armagedón” palabraca shuj viajellami Bibliapica Apocalipsis 16:16pi tiajun. Armagedón nishpaca llactapura guerrata ruranataca na nijunllu. Sino Taita Dioshuan y ‘gulpi alpa enteropi reycunahuan’ shuj jatun macanajui tianatami nijun (Apocalipsis 16:14). Taita Diosca Armagedón guerrata utilizashpami tucuilla cai alpapi gobiernocunata tucuchinga (Daniel 2:44).

Armagedón tiajpi cai alpapi ima pasanata ashtahuan yachangapaca “Armagedonga ¿imata can?” nishca temata liipangui.

¿Cai alpata y gentecunataca shuj arma nuclearchu tucuchinga?

Na. Aunque gobiernocuna jipa punllacunaman arma nuclearcunata utilizajpipash Taita Diosca cai alpa tucuchichunga na saquingachu. Bibliapica cashnami nin:

‘Cai pacha [o cai alpaca] causaita causaicamanmi tiajunlla’ (Eclesiastés 1:4).
“Alita rurajcunami cai alpataca japinga. Cai alpapica para siempremi causanga” (Salmo 37:29, Traducción del Nuevo Mundo Biblia).

Shinapash Bibliapi profeciacunata y cunan punllacunapi ima cosascuna pasanajujta ricushpami cai mundopi gentecunapa shuj jatun cambio tianata yachapanchi (Mateo 24:3-7; 2 Timoteo 3:1-5). Shamuj punllacunapi, imashina causaita charinata yachangapaca Bibliamanda gratis yachajupai.