Canadá llactapi Alberta shuti pueblopica ninanda huairashpa, razu urmashpami chiri chiri carca. Shinapimi Bob shuti runaguca 100 kilómetro por horata paipa carrota manejashpa rijurca. Shina rijujpimi paipa carropa huasha llantaca tujyashcarca. Shina pasashcataca Bob runaguca na cuenta japishcarcachu. Chaimi paica paipa huasiman rishpa catirca. Paipa huasiman chayangapaca 5 kilometrocuna faltarcarami.

 Bob runaguca ima pasashcata parlashpami, shuj cartata paipa llactapi shuj Tandanajui Huasiman cacharca. Chai cartapica cashnami nijurca: “Manejashpa rijujpimi shuj carroca ñuca ladopi shayarirca. Chai carropica 5 jovengunami rinajushcarca. Paicunaca carro ventanata pascashpami quiquinba carropa shuj llantaca imacharimi tucushca nishpa villahuarca. Chaimi ñan manñapi ñucapash, paicunapash carrotaca shayachircanchi. Paicunaca quiquinda ayudashunllami nihuarcami. Chai tujyashca llantata cambiangapaj shuj llantata o herramientacunata charishcata o na charishcatapash na yacharcanichu. Paicunami tucuita mascashpa, llantata cambiashpa ayudahuarca. Paicuna llantata cambiangacamanga ñucaca, ñuca silla de ruedapimi tiarishpa quidarcani. Chaipica chiri chirimi carca. Razupashmi urmajurca. Chai jovengunaca ali mudarishca cashpapashmi llantata cambiashpa ayudahuarca. Chaimi cutin manejashpa ñuca huasiman ri usharcani. Paicuna na ayudajpica imacha tucuiman carcani” nishpa.

 Bob runaguca caitapashmi nirca: “Testigo de Jehová 5pura jovenguna ñucata ayudashcamandaca paicunataca ninandami agradicipani. Paicunaca gentecunaman villachishpami purinajushcarca. Chai jovengunaca ciertopachami imata villachishcata paicunapa causaipi pactachin cashca. Paicuna ñucata na ayudajpica, llantata ñucalla cambiaitaca na ushaimanllu carcani. Ñucapaca shuj jatun llaquimi canman carca. Paicuna shina ayudashcamandaca tucui shunguhuanmi pagui nipani. Chai 5pura jovenguna ñucata shina ayudanataca nunca na pensaitallapash na pensashcarcanichu” nishpa.