India llactapi tiashca Port Blair nishca llactapica, 10 de noviembre de 2023​pimi ‘Pacienciata charinami capanguichi’ nishca asamblea regional tiarca. Y chai asambleapimi La Biblia: Las Buenas Noticias según Mateo libro nicobarés idiomapi llujshishca nishpa villarca. Chai asambleapi cashca 180 huauquipanicunami chai mushuj librotaca chai rato descargaita usharca. Shinallata ñallami Mateo librotaca imprimishcata charishun nishpami villarca.

Andamán y Nicobar jatun islacunaca océano Índico nishcapimi can. Y chai jatun islacunapica 800 yali islacuna, jatun rumi jacacunami tian. Chai tucuilla islacunamandaca solo 31 islacunapillami gentecunaca causan. Y chai islacunapica 430 mil gentecunami causan. Y chai gentecunamandaca más o menos 30 mil gentecunami nicobarés idiomataca parlan. 2001 huatapimi nicobarés idiomata parlaj congregacionga tiai callarirca. Y cunanbica 129 publicadorcunami tian y quimsa congregaciongunapashmi tian.

Nicobarés idiomapi tiashca Bibliapica Taita Diospa shuti Jehovataca Salmo 83:18​pimi tarita ushapanchi. Shinapash na tucui textocunapichu Jehová shutica escribishca can, solo huaquin textocunapillami escribishca can. Por ejemplo, Mateo libropica Taita Diospa shutica escribishcaca na tiajunllu. Nicobarés idiomapi Biblia tiajpipash punda tiempopi gentecuna parlashca shimipi escribishca caimandami na fácil intindirinalla can. Pero chairalla llujshishca Mateo libroca cunanbi gentecuna parlanshnallata traducishca caimandami liingapapash y intindingapapash fácil can. Ashtahuangarin Jehová shutica 18 viajetami ricurin.

Mateo libropa mushuj traduccionga nicobarés idiomata parlaj, ali shungu gentecunataca tucuita ruraj Jehová Diospaman quimirichunga ninandami ayudaita ushan (Salmo 36:9).