11 DE DICIEMBRE DE 2023
SHUJ SHUJ LLACTAMANDA NOTICIACUNA
Setenta y cinco huatacunatami Bibliamanda publicacionguta papiamento idiomapi traducinajunchi
Testigo de Jehovacunaca 2023 huatapica, ñami 75 huatacunata papiamento idiomapi publicaciongunata traducinajun. Cai idiomaca español, holandés, portugués idiomacunamandami llujshishca. Cunan punllacunapica más o menos 350 mil gentecuna Aruba, Bonaire y Curazao islacunapi cai idiomataca parlan. Cai islacunataca huaquingunaca ABC nishpami rijsin.
Cai islacunapi 1920 huata tucurijujpimi Taita Diospa ali villaigucunataca predicai callarirca. Chaimandami 1946 huatapi, Escuela de Galaadmanda primer misionerocuna Curazao islaman chayajpica, cai islapica ña huaquin congregacionguna tiarca. Shinapash, papiamento idiomapi publicaciongunaca nara tiarcachu. Tandanajuicuna inglespi, papiamento idiomapi cajpipash español, holandés, inglés idiomacunapi publicaciongunatami utilizan carca. Huauquipanicunaca papiamento idiomapi publicaciongunata minishtishcata cuenta japijpipash huaquin problemacunami ricurirca. Por ejemplo, chai idiomapica diccionariocuna, chai idiomapa gramática y ortografiamanda parlaj librocupash na tiarcachu. Chai islacunaman chayashca primer misionerocunamanda, Bill Yeatts shuti huauqui papiamentoman traducishpa ayudai callarirca. Anuario de los testigos de Jehová 2002 libropica chai huauquica cashnami nirca: “Taita Diosmanda publicacionguta traducijushpaca, papiamentopi nunca na escribishca o parlashca shimicunatami utilizana tucurcanchi. Shina ruranaca dificilmi carca”. Shinapash, huauquicunaca traducishpami catirca.
El gozo de todos los pueblos folletotami traduci callarirca. Cai folletotaca 1948pimi traducishpa tucuchirca. Asha ashami shuj shuj publicaciongunata, La Atalaya y ¡Despertad! revistacunatapash traduci callarirca. Cunanbica Traducción del Nuevo Mundo Bibliatami traducinajun. Shinami Bibliapa cada librota traducishpa tucuchishcandi gentecuna utilizachun llujchin. Rut librotami primeroca traducirca. Chai libroca 1 de octubre de 2021pimi llujshirca.
Aruba islapimi ishcai panicuna predicación publicapi can.
Cai islacunapi publicadorcuna ashtahuan mirashpa catijushcata ricushpami publicaciongunata paicunapa propio shimipi traducina alipacha cashcata cuenta japinchi. 1956 huatapi, primera congregación papiamento shimipi tiai callarijpica 16 publicadorcunallami carca. Cunanbica 1.600 yali publicadorcunami 25 congregaciongunapi tian. Ashtahuanbash 2023 huatapica 1.200 gentecunami Bibliamanda yachajurca.
Ashtaca huauquipanicunami papiamento idiomapi gentecunaman Bibliamanda yachachingapaj shinllita esforzarin. Jehová Diosta jatunyachingapaj ninanda esforzarijushcata pai bendicianata seguromi canchi (Mateo 5:16).