Rusia llactapi autoridadcunaca, Crimea llactapipashmi testigo de Jehovacunataca catiriashpa llaquichinajun. Rusia gobiernoca testigo de Jehovacunapa tucuilla entidad legalcunatami prohibishca. Ashtahuangarin, Testigocunapa obrata, reuniongunata tucuchingapapachami munajun. Abril de 2017pi prohibicionda churashca punllamandapachami, Rusiapi autoridadcunaca, Testigocuna tandanajushca pushtucunaman yaicushpa, ashtaca huauquicunata prezo apashpa carcelpi churashca. Cunanbica, Crimea llactapi Testigocunatapashmi prezo japishpa carcelpi churanajun.

15 de noviembre de 2018tami Crimea-Dzhankoy llactapica, 200 policiacuna y fuerzas especialesmanda agentecunapash, Testigocuna tandanajushca 8 huasicunaman yaicushpa tucuillata revisarca. Chai Testigocunaca Bibliata liishpa, Bibliata estudiashpallami tianajurca. Cutin Serguéi Filatov huauquipa huasimanga por lo menos 35 agentecunami, armacunahuan capuchashcacuna a la fuerza yaicurca. Chai huasipica 6 Testigocunami tandanajushca carca. Soldadocuna a la fuerza yaicujpica, ñucanchi huauquicunaca ninandami manllarirca. Chai agentecunaca 78 añosta charij huauquigutami pircaman tangashpa alpaman shitarca. Chai jipami esposacunata churachishpa, shinllita macashpa saquirca. Chaimi chai huauquigutaca uchalla hospitalman apana tucurca. Ishcai mayorlla huauquicunatapashmi macarca. Paicunapa presión alzarijpimi paicunatapash uchilla hospitalman apana tucurca. Cutin shuj huasipica, agentecuna a la fuerza yaicujpimi shuj vijsayu joven huarmiguca huahuaguta abortarca.

Huasicunaman yaicushpa cosascunata revisashca jipami, Serguéi Filatov huauquitaca, Rusiapa código penalpi, artículo 282.2 parte 1pi nishca shinaca, paica “extremista organizacionba” obratami rurajun nishpa culparca. Shinami 5 de marzo de 2020taca, Crimea llactapi tribunal de distritoca, 6 añospa chai huauquitaca sentenciarca. Paitaca normal prezocunapa carcelmanmi cacharca.

Año 2018pi agentecuna a la fuerza huasicunaman yaicushpa tucuillata revisashca jipapash cunangamanmi agentecunaca Testigocunapa huasicunaman yaicunajun. Extremista obrapimi participanajun nishpami, Testigocunapa huasicunamanga yaicunajun. 22 de mayo de 2023taca, más de 10 agentecunami 5ca armacunahuan Feodosia pushtupi 6 y media de la mañanata shuj huasiman yaicurca. Agentecunaca Testigocunataca alpaman shitarichun mandashpami, 3 horas yalita huasi enterota revisanajurca. Shuj huauquitaca interrogangapaj nishpami Sebastopol pushtuman prezo aparca.

Testigocunapa huasicunaman yaicushpa cosascunata revisashpami, ashtaca Testigocunataca juicio penalta catishpa prezo cachashca. Chaimandami cunanbica 12 Testigocuna carcelpi can. Huaquingunataca 6 huata y chaupipami sentenciarca. Chai tucuilla huauquicunatami extremista organizacionba obratami apoyanajun nishpa prezo cacharca.

1. 18 de octubre de 2024

   Cunanbica 12 Testigocunami Crimea llactapi prezo can.

2. 22 de mayo de 2023

   Policía agentecunami Feodosia pushtupica, testigo de Jehovacunapa huasiman yaicushpa, aparato electronicocunata quichushpa, shuj Testigotaca prezo aparca.

3. 5 de agosto de 2021

   Testigo de Jehovacunapa 8 huasicunaman yaicushpami tucuillata revisashpa Alexánder Dubovenko y Alexánder Litviniuk huauquicunata prezo aparca.

4. 1 de octubre de 2020

   Sebastopol pushtupimi 9 testigo de Jehovacunapa huasicunaman yaicushpa, Ígor Shmidt huauquita prezo apashpa prisión preventiva nishcapi prezo churarca.

5. 4 de junio de 2019

   Sebastopol pushtupimi fuerzas especialesmanda agentecunaca 10 testigo de Jehovacunapa huasiman yaicushpa cosascunata revisarca. Chai jipami Víktor Stashevski huauquitaca extremistacunapa obratami organizajungui nishpa culparca.

6. 20 de marzo de 2019

   Alupka y Yalta pushtucunapica, fuerzas especialesmanda agentecunami 8 huasicunaman a la fuerza yaicurca. Artiom Guerasimov huauquita interrogashpami paitaca extremistacunapa obratami organizajungui nishpa prezo aparca.

7. 15 de noviembre de 2018

   Dzhankoy pushtupimi 200 policiacuna y fuerzas especialesmanda agentecunaca 8 huasicunamanbash y Serguéi Filatovpa huasimanbash a la fuerza yaicurca.