“Gubirnuyqui śhaycamuchun. [...] Munayniqui lulaśha cachun” (Mateo 6:10, Muśhü Limalicuy).

“Niptinmi Jesús: Ya’apa gubirnú manam cay pachäćhüchu [allpäćhüchu]” (Juan 18:36, Muśhü Limalicuy).

• Diospa Gubiernun allinmi. Llapanchictapis yanapämanchicmi (Isaías 48:17, 18).

• Diospa Gubiernunćhu cushicamañam cawsaśhun, manaña ishyal (Apocalipsis 21:3, 4).

Aw, ishcayta yaćhaycuśhun:

• Jesús licachilañam, Diospa Gubiernun ima lulanantapis. Pay yaćhachilam atïnincunacta, mañaculcänanpa Diospa Gubiernun śhamunanpa. Enterun allpaćhu Diospa voluntäninta lulanampa (Mateo 6:9, 10). Ñatac, yaćhachimalanchicmi cay mañacuycata imanuypa lulänantapis.

  Jesús cay allpaćhu cayal, micachilam micuypi cä nunacunacta; ishyäcunacta jampilam; ñatac, wañücunactapis cawsachilam (Mateo 15:29-38; Juan 11:38-44). Chay lulaśhancunäwanmi licayächimanchic pay, enterun allpäman Reynú gubiernamul, chaycunapipis mastalämi lulalun’a (Apocalipsis 11:15).

• Canan imapis pasaśhancunami, ñam willayämanchicña Diospa Gubiernun cayllaćhuña caśhanta. Jesús nilañam, enterun allpaćhu can’am guerracuna, micuy wanaycuna, terremotucuna manala Diospa Gubiernun ćhämuptin. Jaypi, chay Gubiernunmá jawca jawca cawsayta ćhachimun’a (Mateo 24:3, 7).

  Canan licayanchicñam lluy imacunapis Jesús nishannú pasaśhanta. Chaymá rasumpa yaćhayanchicña Diospa Gubiernun ćhämun’a mana allin cäcunata lluy allichänanpa.