Pou in bonpé domoun, sa lé kom in rèv kroir ké in jour, dési la tèr, tout bann nasion sra égal.

•    « Kisoi dan bann zorganizasion, ant plizièr group domoun, ou mèm dan la vi tou lé jour, nou oi rasis i mank pa. Malérèzman, akoz sa, bonpé domoun i trèt lé zot in mové fason » (António Guterres, sékrétèr jénéral bann nasion zuni).

 Èské in jour tout bann nasion sra égal ? Kosa la Bib i di ?

 La Bib i aprann anou koman Bondié i oi bann domoun diféran ras.

•    « [Bondié] la ansèrv in sèl bonom pou kré tout bann nasion pou ké zot i abit su tout la tèr » (Akt 17:26).

•    « Bondié i fé pa préférans, mé dan tout nasion, lo moun ké néna la krintiv pou li é k’i fé sak lé jus, nora son favèr » (Akt 10:34, 35).

 La Bib i fé mont anou ké tout domoun dési la tèr, i fé parti in sèl famiy é ké Bondié i aksèp tout domoun, tout ras.

 Lo Roiyom Bondié, in gouvèrnman dann sièl, va fé an sort ké su la tèr, tout bann nasion nora lo mèm valèr é tout sra trété parèy. Gouvèrnman la va aprann bann domoun koman trèt lé zot avèk in gayar mantalité. Domoun va aprann koman dérasine tout kalité rasis k’i pouré aoir dan zot kèr.

•    « Sak i abit dan lo péi [va] aprann la justis » (Izai 26:9).

•    « Lo vré justis va done la pé, oui lo vré justis va amèn in trankilité é la sékurité pou toultan » (Izai 32:17).

 Jordi, domoun par milion i aprann dan la Bib koman fé mont in rèspé pou lé zot, é trèt tout kalité domoun in bon fason.

•    Pou aprann plis, lir lo ti journal Réveillez-vous! k’i répond lo kèstion « Y a-t-il un remède contre les préjugés ? »

•    Lir lo sujé « Comment parler de racisme à votre enfant » pou oir koman bann papa èk bann momon i gingn koz su sujé la dan zot kaz.