1) Te kamas furt le Jehovas,

leske calo jilo das,

le pašutnen rado dikhas,

kamas len, pomožinas.

Ňebesko Dad o Jehovas,

pro furt hino kamiben.

Hoj les napodobňinkeras,

sikavel o dživipen.

2) Te kamas, so hin čačipen,

chudas zor te služinel.

Te kamas ňebeske Dades,

chudas zor but te kamel.

Le kridlenca upre hazdel

olen, so tele peren.

O kamiben na thovavel,

zoraľarel le phralen.

3) Ma zaruš, sig ma cha choľi,

kamiben ča presikav.

Av ajso, oda furt sikhľuv!

Ma bister pre kada lav:

„Peskere cale jileha

kameha tire Devles,

the avres avka kameha,

sar kames tut korkores!“