GIĽI 136
Šukar odmena le Jehovastar
(Rút 2:12)
-
1) O Jehovas rado dikhel le vernen,
the tut, bo leske jilo des.
Džanel olestar, so phares predžives,
so tut dukhal, so ciťines.
Te tu omukhľal tiro gav, tiro kher,
la fajta, la da, le dades,
bo le Devleske kames te služinel,
e odmena lestar chudes.
(REFREN)
O Jehovas tut mi požehňinel,
vaš tiri laska mi odmeňinel,
tel peskre kridli mi chraňinel!
O Del hino verno, tut odmeňinel.
-
2) O Jehovas tut na dela, ma dara,
se ča predal leste džives.
Choč hin ďivesa, kana pharipena
te ľikerel na birines.
Te tu ča roves, caľi rat na soves,
ča phen leske, so ciťines.
Ov tut šunela, vastestar chudela,
kaj tut te upokojines!
(REFREN)
O Jehovas tut mi požehňinel,
vaš tiri laska mi odmeňinel,
tel peskre kridli mi chraňinel!
O Del hino verno, tut odmeňinel.
(Dikh mek Sud. 11:38–40; Iz. 41:10.)
