LEKCIJA 35
So te kerel, kaj te keras goďaverones
Sako peske mušinel te kidel avri, so kerela. Ľidžala oda kijo lačho abo nalačho? Avaha kijo Jehovas pašeder abo dureder? Las amenge avka. Sako peske kidel avri, kaj bešela, khatar lela o love abo či džala romeste, romňake. Te keras goďaverones, ela amen lačho dživipen a o Jehovas ela andre amende barikano.
1) Sar tuke e Biblija pomožinel, te kerel goďaverones?
Sigeder, sar vareso kereha, mang le Jehovas, kaj tut te del goďi a tiš rode andre Biblija, sar pre oda dikhel o Jehovas. (Pregen Príslovia 2:3–6) Varekana o Jehovas rovno phenel, so kampel te kerel. Te les akor šuneha a kereha pal leskero, ela oda nekfeder.
Aľe, so te nane andre Biblija rovno phendo, so kampel te kerel? The avka tut o Jehovas ľidžala „pal o drom, pal savo majines te phirel“. (Izaiáš 48:17) Sar? Andre Biblija arakheha o lava, so tut ľidžana kije oda, so kampel te kerel. Na phenena tuke, so majines te kerel, aľe sar pre oda dikhel o Jehovas. Feder sprindžareha, sar o Jehovas mišľinel a ciťinel. Tiš le pribehendar andal e Biblija sikhľuvas buter pal o Jehovas. Te furt rozmišľineha, sar ela le Jehovaske, kereha oda, so leske anel o baripen.
2) So kampel te kerel sigeder, sar vareso keraha?
Andre Biblija hin: „Goďaver dženo premišľinel, so kerela“. (Príslovia 14:15) Oda hin, hoj sigeder sar vareso kereha, tuke bešeha a rozmišľineha: „So džav te kerel?“ Phuč tutar: „Save lava andal e Biblija man ľidžan ke oda, so te kerel? Na chala man paľis o jilo, te oda kerava? Sar ela avrenge olestar, so kerava?“ A oda nekbareder: „Sar ela le Jehovaske?“ (5. Mojžišova 32:29)
O Jehovas hino o Del. Ov nekfeder džanel, so hin predal amende lačho a so na. Te doľikeras leskere zakoni the lava, so lestar chudňam, kaj amen te ľidžan, paľis amenge amaro svedomje džala mište. So’da o svedomje? Oda, so pes andre amende del anglal akor, sar keras lačho the nalačho. (Rimanom 2:14, 15) Te amenge o svedomje džala mište, keraha andro dživipen goďaverones.
DODŽAN TUT BUTER
Andre Biblija hine lava, so amen ľidžan, kaj te achaľuvas, so te kerel. Tiš amen hin o svedomje. Sar amenge oda pomožinel, kaj te keras goďaverones?
3) Mukh la Biblija, kaj tuke te sikavel o drom
Andre Biblija hine lava, andre save rodas, so kamel o Jehovas. Sar amen ala lava ľidžan, kaj peske te kidas avri, so keraha? Mukh o VIDEJO a paľis vakeren jekhetane.
-
Savo daros amenge diňa o Jehovas?
-
Soske amenge o Jehovas domukhel, kaj peske te kidas avri, so keraha?
-
So mek amenge o Jehovas diňa, kaj te džanas te kerel oda nekfeder?
Pregen Efezanom 5:15, 16 a rode, kaj všadzik amen šaj ľidžan o lava, „so nekfeder keren peskere časoha“. Te kamas ...
-
sako ďives te genel e Biblija.
-
kaj mandar te el feder rom, romňi, e daj o dad, o čhavo abo e čhaj.
-
te phirel pre dojekh zhromažďeňe.
4) Sikhľar tiro svedomje, kaj mište te džal
Te hin andre Biblija rovno phendo, so pes amendar užarel, nane pharo te avel pre oda, so hin mištes. Aľe so akor, te dičhol, hoj e Biblija na vakerel ňič pal oda, so kamas te kerel? Mukh o VIDEJO a paľis vakeren jekhetane.
-
So kerelas e pheň, kaj lake o svedomje mište te sikavel, so te kerel a kaj oleha te ačhel lačhi le Jehovaha?
Soske našťi užaras avrendar, hoj vaš amenge kidena avri, so keraha? Pregen Hebrejom 5:14 a paľis vakeren jekhetane:
-
Hin lokeder te mukhel avren, kaj vaš tuke te kiden avri, so majines te kerel. Aľe soske hin feder, hoj sikhľoha korkoro te rozprindžarel, so hin lačho a so na?
-
So tuke pomožinela mištes te sikhľarel tiro svedomje, kaj te džanes te kerel, so hin lačho?
Avka sar amen e mapa ľidžal pro drom, the o svedomje amen ľidžal, so te kerel andro amaro dživipen
5) Le the avrengero svedomje
Sako sam aver, vašoda na mušinas pre savoreste te dikhel ole iste jakhenca. Sar šaj sikavas, hoj las the avrengero svedomje? So pes šaj ačhel:
Po peršo: Jekh pheň, so pes rado maľinel, avela andro nevo zboros, aľe odoj pal late but pheňa phenen: „Avka pes e pheň prikerel? So oj pestar kerel!“
Pregen Rimanom 15:1 the 1. Korinťanom 10:23, 24 a paľis vakeren jekhetane:
-
Ke soste la pheňa šaj ľidžan ala lava? So kereha, te sal varekaha, kaske o svedomje na domukhel oda, so tuke domukhel?
Po dujto: Jekh phral džanel, hoj andre Biblija nane pisimen, hoj našťi sikrica pijas, aľe the avka peske phenel, hoj ov na pijela ňič. O phrala the pheňa andal o zboros les vičinde pre opekačka. Odoj dikhel le phralen sar pijen lovina.
Pregen Kazateľ 7:16 the Rimanom 14:1, 10 a paľis vakeren jekhetane:
-
Ke soste le phrales šaj ľidžan ala lava? So kereha, te sal varekaha, kaske o svedomje domukhel oda, so tuke na domukhel?
Kana keraha goďaverones?
1) Mang le Jehovas pal e goďi, paš oda, so kames te kerel. (Jakub 1:5)
2) Arakh tuke andre Biblija the andre amare kňižki the časopisa, sar dikhel o Jehovas pre oda, soha peske keres šero. Šaj tiš pal oda povakeres varesave lačhe phraleha abo pheňaha.
3) Rozmišľin, či tut na chala o jilo olestar, so kames te kerel abo či oda na kerela dukh avrenge.
VAREKO ŠAJ PHENEL: „So hin man pal aver? Me džanav, so te kerel! So man chal avrenca?“
-
Soske hin mištes, te rozmišľinel, sar ela le Jehovaske the avrenge, te vareso keraha?
SO SIKHĽIĽAM
Keraha goďaverones akor, te furt rozmišľinaha, sar olestar ela le Jehovaske a či oleha avren podhazdaha abo lenge keraha dukh.
So bi phenehas
-
Kana kereha oda, so le Jehovaske anel baripen?
-
Sar šaj sikhľares tiro svedomje, kaj tuke te džal mištes?
-
Sar šaj sikaves, hoj les the avrengero svedomje?
DIKH TUKE BUTER
Sar te kerel avka, kaj olestar te zoraľol tiro kamiben kijo Jehovas?
„Svojimi rozhodnutiami prinášajme Bohu česť“ (Strážna veža z 15. apríla 2011)
Dikh tuke, sar o Jehovas amenge del goďi.
Dikh tuke, so pomožinďa jekhe muršeske, te kidel peske avri, so kerela andro dživipen.
Pregen tuke, sar kereha le Jehovaske radišagos the akor, sar nane rovno phendo, so kampel te kerel.
„Potrebujeme vždy konkrétny biblický pokyn?“ (Strážna veža z 1. decembra 2003)
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
