USPORJADAŤEĽA Lengeri buťi hin te pomožinel tumenge. Vašoda tumen mangas, kaj len te šunen a te keren, so tumenge phenena, akor sar parkinena o motoris, sar tumenge phenena khatar te džal, kaj bešena abo vareso aver.

BOĽIPEN Te pes na phenela vareso aver, ola, so pes den te bolel, bešena pro stolki anglo podijum. Kampel, kaj odoj te bešen sombatone anglo dilos, sigeder sar chudela o prejavos ko boľipen. Kampel lenge te anel o uťerakos the slušna plavki.

DARI Kaj sakones te el kaj te bešel, lačhes te šunel, lačhes te dikhel o videji a but aver veci, kampľa vaš kada but te poťinel. A avka pes pro zjazdos šaj ciťinas mište. Oda amenge pomožinel buter te kamel le Jehovas. Dari, so jilestar das, pomožinen te poťinel savoro, so kampľa pre kada zjazdos. A tiš ola love džan pre oda, so keren le Jehovaskere svedki pal calo svetos. Andre caľi hala hine krabici, pre save hin pisimen „Dari“. Odoj šaj čhiven love. Love šaj bičhavas the prekal e stranka donate.ps8318.com. O phrala, so dodikhen pre buťi le Jehovaskere svedkengeri pal calo svetos, peske igen ceňinen savore tumare dari a kamen tumenge te paľikerel vaš savoro, so jilestar keren predal o kraľišagos.

DOCHTORA Kala phrala the pheňa hine ča predal ola, savenge avľa igen namište.

ODA, SO PES NAŠAĎA ABO ARAKHĽA Mangas tumen, te vareso arakhľan, anen oda amenge. Te tumen vareso našaďan, šaj aven ke amende a phenen, so našaďan a sar oda dičholas avri. Šaj adaj anen the le čhavoren, save našľile. Mangas tumen, dodikhen pre peskere čhave, mi en furt paš tumende, kaj te na našľon.

STOLKI Mangas tumen, kaj te dikhen the pre avrende. Ma bisteren, hoj šaj zalen o stolki ča predal tumare nekpašeder, so tumenca bešen andro kher abo tumenca avle motoriha, abo savenca akana študinen e Biblija. Na thoven ňič pro stolki, pre save na bešela ňiko tumendar.

TE POMOŽINEL Te kamen te pomožinel la buťaha, savi pes kerel pro zjazdos, šaj aven odoj, kaj hin pisimen „Informaciji the buťi pro zjazdos“.