АЧХОВЕН ЏАНГАВДЕ!
Баре поплаве со керена штета — Со вакерела и Библија?
Ко цело свето, бут мануша доживинена баре поплаве. Аке несаве извештаија:
„Ко последна некобор диве, ки главно диз ки Кина сине најбаре бршима ко акала последна 140 берша... машкар и сабота хем и среда денѓа песке 744,8 милиметрија бршим“ (AP News, 2 август 2023).
„Ко јужно дело тари Јапонија, о тајфуни Канун дуј диве анела баре бршима хем бавлала коте со муле најхари дуј џене... Исто аѓаар, ко планинско дело таро централно Тајван, аџикерела пе те дел џи ко 0,6 метре бршим“ (Deutsche Welle, 3 август 2023).
„О поплаве со уле акава викенд [ки Нова Шкотска] уле таро баре бршима со денѓе песке ко атлантско брего ки Канада ко акала последна 50 берш“ (BBC News, 24 јули 2023).
Со вакерела и Библија башо акала настанија?
Знако башо „последна диве“
И Библија вакерела кај живинаја ко „последна диве“ (2. Тимотеј 3:1). О Исус пророкујнѓа кај ко амаро време „адава со ка дикхен о мануша ка даравел лен“ (Лука 21:11). О климатска промене тане главно причина башо акала страшна временска условија кола тане бут понепредвидлива, овена са почесто хем керена са побари штета.
Соске те надина амен кај ка овел пошукар
И Библија вакерела аменге кај о страшна буќа со овена ки пхув, уствари, ваљани те ден амен надеж кај ка овел пошукар. Соске? О Исус вакерѓа: „Кеда ка дикхен кај са акава овела, џанен кај е Девлескоро Царство тано паше“ (Лука 21:31; Матеј 24:3).
Адава со случинела пе авдиве, јасно сикавела кај панда хари е Девлескоро Царство целосно ка контролиринел о природна силе, сар сој хем о кружно теко е пањескоро (Јов 36:27, 28; Псалм 107:29).
Те шај те дознајне нешто повише башо адава сар е Девлескоро Царство ка решинел о проблемија ки пхув, дикх и статија „Дали човекот ќе ја уништи Земјата?“
Шај исто ка интересинел тут
ОСНОВНА БИБЛИСКА СИКЉОЈБА
Дали о природна катастрофе авена таро Девел?
Дуј џувља со доживинѓе природна катастрофе вакерена со дознајнѓе тари Библија.
