Koj čače vladinela e sumnalea?
Mislinea li kaj adava tano...
-
o Devel?
-
o manuša?
-
nekoj javer?
SO VAKERELA I BIBLIJA
„Celo sumnal tano ko vasta e Bilačheske“ (1. Jovanovo 5:19).
„Alo e Devleskoro Čhavo te uništinel o bukja so kergja o Beng“ (1. Jovanovo 3:8).
SO ZNAČINELA AKAVA TUKE
Ka haljove soske isi problemija ko sumnal (Otkrovenie 12:12).
Ka šaj te verunje kaj o bukja ko sumnal ka oven pošukar (1. Jovanovo 2:17).
ŠAJ LI TE VERUNJA E BIBLIJAKE?
Oja, najhari taro trin pričine:
-
E Bengeskoro vladibe tano osudimo te ovel uništimo. O Jehova odlučingja te čhinavel e Bengeskiri vlast upro manuša. Ov dengja lafi kaj ka „uništinel... e Benge“ hem sa adava so rumingja o Beng, ov ka anel ko than (Evreite 2:14).
-
O Devel biringja e Isuse te vladinel e sumnalea. O Isus tano but pojaver taro o avdisutno vladeteli e sumnaleskoro kova tano but bilačho hem sebično. Ko vakti keda o Isus ka vladinel, o Devel vetinela: „Ka perel leske žal e bedno manušeske hem e čoroleske... Taro muke hem nasilstvo ov ka spasinel lengiri duša“ (Psalm 72:13, 14).
-
O Devel našti te hovavel. I Biblija jasno vakerela: „O Devel našti te hovavel“ (Evreite 6:18). Keda o Jehova ka vetinel nešto, sar te phene kergja le! (Isaija 55:10, 11). „O vladeteli akale sumnaleskoro ka ovel frdimo“ (Jovan 12:31).
RAZMISLIN
Sar ka ovel o sumnal keda ka ovel cidimo leskoro vladeteli?
O odgovor tari Biblija bašo akava pučibe ka arakhe ko PSALM 37:10, 11 hem OTKROVENIE 21:3, 4.
Šaj isto ka interesinel tut
OSNOVNA BIBLISKA SIKLJOJBA
Soske o Devel panda mukhela te ovel o lošnipe hem o muke?
I Biblija dela amenge šukar hem utešna odgovorija bašo adava.
ODGOVOR BAŠO BIBLISKA PUČIBA
Dali o Beng čače postojnela?
Dali o Beng tano samo o lošnipe so postojnela andre ko manuša, ili tano čačutni ličnost?
AMENGE
Soske te sikljove tari Biblija?
I Biblija pomožinela bute manušenge ko celo sumnal te arakhen odgovorija bašo najvažna pučiba. Mangea li tuke da te pomožinel?
