Koj tano o Devel?
But manuša phenena so verujinena ko Devel. Ama, ako pućeja len koj tano o Devel, ka šune različita odgovorija. Disave mislinena so o Devel tano samo jekh strogo sudija kova jedva ađićeri te kaznini e manušen aso olenge grehija. Avera mislinena so o Devel tano pherdo mangipe hem so uvek oprostini lenđe. Isto ađahar, disave mislinena so o Devel tano but dur hem so na brinini pe e manušenđe. Sebepi sa odova, but manuša mislinena so našti te đanen koj tano o Devel.
Sose tano važno te đana koj tano o Devel? Odolese so ako trudinaja amen pošukar te penđara le, amaro životi ka ovel pošužo (Dela apostolska 17:26-28). So popaše hijam e Devleja, ov pana pobuter ka mangel amen hem ka pomožini amen (Jakovljeva 4:8). Soj tano pana považno, okola so šukar penđarena e Devle, šaj te dobinen o večno životi (Jovan 17:3).
Sar šaj te penđara e Devle? Razmislin nekastar kas but šukar penđareja, na primer ando to paše amal. Sar uljen paše amala? Verovatno prvo pućljan le sar tano oleso anav, dikhljan save osobine isi le, so mangela, so na mangela, so ćerđa đi akana, so mangela te ćerel, save tane olese ciljija hem pana but avera buća. Odova so šukar penđarđan le, pomožinđa tuće te ove paše amal oleja.
Isto ađahar, šaj te penđara e Devle ako arakhaja o odgovorija ko pućiba:
Akava časopis dela e biblijake odgovorija ko akala pućiba. Svako članko ka pomožini amen te sikljova diso pobuter ando Devel hem te dikha sar odova so hijam paše amala e Devleja ka utičini ko amaro životi.
Dikhen hem akava
STRAŽARSKO KULA
Sar tano e Devleso anav?
Da li đanđan so o Devel isi le anav kova mothovi savo tano?
