39. LEKCIJA
Sar o Devel dikhela ko rat?
O rat tano but važno sose bizo leste našti te živina. O Devel isi le pravo te phenel amenđe sar valjani te koristina o rat sose ov ćerđa amen. So o Devel phenđa ando rat? Šaj li o rat te hal pe ja te lel pe? Sar šaj te ane šukar odluke ked vaćeri pe ando rat?
1. Sar o Jehova dikhela ko rat?
Ko purano vreme, o Jehova phenđa pe slugenđe: „O životi ando svako đivdo biće tano oleso rat“ (Levitska 17:14). Anglo Jehovase jaćha, o rat predstavini o životi. O životi tano poklon ando Devel. Sebepi so o životi tano sveto, isto ađahar hem o rat tano sveto.
2. So o Devel phenela ando rat?
Ko purano vreme, o Jehova phenđa pe slugenđe te na han o rat. (Čitinen Postanak 9:4 hem Levitska 17:10.) Ov palem vaćerđa odija zapovest ked e hrišćanenđe ko prvo veko prekalo vodeće telo phenđa „te ciden pe. . . ando rat.“ (Čitinen Dela apostolska 15:28, 29.)
So značini te cida amen ando rat? Ked bi o doktori phenela tuće te cide tut ando alkohol, odova značini so na valjani te pije. Ama, da li odova značini so šaj te ha o habe kaj isi alkohol ja te le o alkohol prekali vena? Naravno so na. Isto ađahar, te cida amen ando rat značini so na valjani te pija o rat ja te ha o mas kova ano peste isi le rat. Isto ađahar, na valjani te ha ni avera buća kola ano peste isi len rat.
Ama, sar o rat koristini pe ko lečenje? Disave medicinska postupkija nane premalo Devleso zakon. Odova tano i transfuzija ando rat hem olese štar glavna buća – o lole zrncija, o parne zrncija, o pločice hem i plazma. Ama, aso disave avera medicinska postupkija nane odobor jasno da li tane premalo Devleso zakon. Na primer, ko disave medicinska postupkija koristinena pe o frakcije ando štar glavna buća kotar rat, a ko avera koristini pe amaro rat. Odolese, svako amendar valjani šukar te razmislini hem kokri pese te odlučini da li ka prihvatini asavko lečenje a (Galatima 6:5).
SIKLJOV POBUTER
So šaj te pomožini tut te đane da li te prihvatine disavo lečenje ja na?
3. Ana odluke kola ka ćeren e Jehova bahtalo
Sar šaj te ane odluke ando to lečenje kola ka oven premalo Devleso zakon? Dikhen o VIDEO, hem palo odova vaćeren odolestar sose tano važno te ćeren sa o buća kola tane dinde tele.
-
Molin tut (Jakovljeva 1:5).
-
Rode o načelija andi Biblija hem razmislin sar šaj te primenine len (Poslovice 13:16).
-
Dikh savo lečenje isi odothe kaj živineja.
-
Razmislin savo lečenje nisar na ka prihvatine.
-
Ana odluka sebepi koja ka ovel tut čisto savest (Dela apostolska 24:16). b
-
Ma bistri so niko – čak ni to rom ja ti romni, ni o starešine, ni okova so proučini tuvaja – našti te phenel tuće so valjani te ćere (Rimljanima 14:12).
-
Pisin odova so odlučinđan.
4. E Jehovase svedokija mangena najšukar lečenje
Da li šaj te ićera amen ko Devleso zakon ando rat hem te ovel amen najšukar lečenje, bizo rat? Dikhen o VIDEO.
Čitinen Titu 3:2, hem palo odova vaćeren ando akava pućibe:
-
Sose valjani te mothova poštovanje hem te ova šukar đi vaćeraja e doktorencar?
|
Na laja |
Svako pese odlučini |
|---|---|
|
1. I plazma. |
Frakcije andi plazma |
|
2. O parne zrncija. |
Frakcije ando parne zrncija |
|
3. O pločice. |
Frakcije ando pločice |
|
4. O lole zrncija. |
Frakcije ando lole zrncija |
5. Da li šaj te la o frakcije ando rat?
O rat tano ćerdo ando štar glavna buća – o lole zrncija, o parne zrncija, o pločice hem i plazma. Olendar ikalena pe but potikne delija kola vićinena pe frakcije ando rat. c Disave iljačija tane ćerde kotar disave frakcije ando rat ja disave frakcije koristinena pe ked valjani te ćhinavi pe te na đal o rat.
Da li valjani te prihvatina disavi frakcija ando rat ja na? Svako pese valjani te anel odluka premali pi savest koja tani oblikujimi premalo biblijake načelija. Disave šaj na ka mangen te prihvatinen o lečenje ja disavo medicinsko postupak kuri koristinena pe o frakcije ando rat, a avera šaj ka prihvatinen.
Ako valjani te ane asavki odluka, razmislin ando akava pućibe:
-
Sar šaj te objasninav me doktorese sose prihvatinava ja sose na mangava te prihvatinav disavi frakcija ando rat?
AKO NEKO PUĆELA: „Sose tumen na mangena te len o rat? O rat šaj te spasini o životi.“
-
So tu mislineja odolestar?
SO SIKLJILJAM
O Jehova mangela ko rat te dikha sar diso soj tano sveto.
Te ponovina
-
Sose tano o rat sveto anglo Jehovase jaćha?
-
Sar đanaja so e Devlesi zapovest te cida amen ando rat značini te na la o rat?
-
Sar te ane šukar odluke ando odova sar ka koristini pe o rat?
RODE POBUTER
Sostar valjani te razmisline angleder te prihvatine disavo medicinsko postupak ko kova koristini pe toklo rat?
Sostar valjani te razmisline angleder te prihvatine disavi frakcija ando rat?
So pomožinđa jekhe doktorese te dikhel ko rat sar o Devel?
„Akana ko rat dikhava sar o Devel“ (Probudite se!, 8. decembar 2003)
Dikh sar o starešine kola služinena ko Odbor kova sarađujini e bolnicencar pomožinena e phralenđe hem e phenjenđe.
a Dikh i 35. lekcija, „Sar šaj te ana šukar odluke?“
b Dikh i 5. tačka, „Da li šaj te la o frakcije ando rat?“ hem o 3. dodatko, „Medicinska postupkija ko kola koristini pe amaro rat“.
c Disave doktorija phenena so o štar glavna buća kolendar tano o rat ćerdo tane o frakcije. Odolese, šaj ka valjani te objasnine so tu na mangeja te le ni o rat, ni o lole zrncija, ni o parne zrncija, ni o pločice, ni i plazma.
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
