„Odova so i koronavirus više nane opasnost aso celo sveto, na značini so više nane pretnja aso manušengo sastipe… Šaj te ova sigurna so ki budućnost ađićerena amen pana disave ozbiljna nabormipa hem valjani te ova spremna aso odova dive“ (Dr Tedros Adhanom Gebrejesus, direktor andi Svetsko zdravstveno organizacija, 22. maj 2023).

 But manuša kola nakhlje i korona hem ponodri isi len problemija pe sastipaja, a disave olendar čak isi len psihička problemija. Ama, da li tane o vlastija hem o zdravstvena organizacije spremna asi aver pandemija hem da li akana šaj te rešinen amare zdravstvena problemija?

 I Biblija vaćeri andi jekh vladavina kuri sa o manuša ka ovel len savršeno sastipe. Oj phenela so „o Devel ka vazdel o kraljevstvo“ (Danilo 2:44). Ked ka vladini odova Kraljevstvo „nijekh manuš ki phuv na ka phenel: ’Nabormo hijum.‘“ (Isaija 33:24). Sarine ka oven saste hem ka ovel len snaga sar ked hine terne (Jov 33:25).