1, 2. (α) Σο διαφορετικές απόψεις τθερένα ο τζενέ για την ελευθερία τι τραμπίνεν σο κα κερέν; (β) Σο σικλιαρέλα-αμέν η Γραφή για την ελευθερία σο τθεράσα τι τραμπίνας, ντα καλά ερωτήσεις κα ντικχάς;

ΟΤΑΝ έπρεπε τι λελ εκ προσωπική απόφαση, εκ τζουβέλ βακερντάς πι αμαλέσκε: «Μα τσσουβ-μαν τι σκεφτίναβ, απλά βάκερ μάνγκε σο τι κεράβ. Ανταβά ισί πιο εύκολος». Βόι μανγκέλας τι βακερέν λάκε σο τι κερέλ, ντα να μανγκέλας τι χρησιμοποιήνελ ι ελευθερία τι τραμπίνελ, ανταβά πολύτιμος δώρος ι Ντεβλέσκο, οντουλέσκο σο κερντάς-λα. Τουμέν σο μανγκένα; Τι αποφασίνεν κορκορέ ή τι αποφασίνεν ο γιαβερά τουμένγκε; Σαρ ντικχένα ι ελευθερία τι τραμπίνεν σο κα κερέν;

² Ο τζενέ τθερένα διαφορετικές απόψεις για την ελευθερία σο τθερένα τι τραμπίνεν σο κα κερέν. Κάποιοι βακερένα ότι ασακί ελευθερία να υπαρχίντιβελα επειδή ο Ντεβέλ αποφασιντάς από πριν σαρέ οντουλένγκε σο κα κεράς. Γιαβερά βακερένα ότι αμαρί ελευθερία δεν πρέπει τι τθερέλ όρια, δηλαδή ότι πρέπει τι κεράς σαρέ οντουλά σο μανγκάσα. Όμως η Αγία Γραφή σικλιαρέλα ότι κερντιλάμ με την ικανότητα ντα την ελευθερία τι σκεφτίνας σαρ τι λας αμαρέ αποφάσεις. (Διαβάνεν Ιησούς του Ναυή 24:15) Κι Γραφή επίσης αρακχάσα ο απαντήσεις σο ισί πιο τελέ: Τθερέλα όρια η ελευθερία σο τθεράσα τι τραμπίνας; Σαρ πρέπει τι χρησιμοποιήνας  ανταγιά ελευθερία όταν λάσα αποφάσεις; Σαρ ο αποφάσεις σο λάσα σικαβένα καζόμ μπουτ μανγκάσα ι Ιεχωβάς; Σαρ μπορίνασα τι σικαβάς ότι σεβάνασα ο αποφάσεις ι γιαβερένγκε;

3. Σαρ χρησιμοποιήνελα ο Ιεχωβά πι ελευθερία σο να τθερέλα όρια;

³ Παρόλο σο η ελευθερία ι Ιεχωβάσκι να τθερέλα όρια, μπορίνασα τι σικλιάς κατά τρόπος σο χρησιμοποιήνελα πι ελευθερία. Για παράδειγμας, ο Ιεχωβά τραμπιντάς τι “λελ πέσκε” τον Ισραήλ για τι αβέλ λέσκο λαός. (Δευτερονόμιο 7:6-8) Σόσκε λιντάς ι απόφαση τι κερέλ-λες ανταβά; Επειδή μανγκέλας τι ατσσικιαρέλ ι υπόσχεση σο ντινάς πι αμαλέστε, κο Αβραάμ. (Γένεση 22:15-18) Επίσης, ο Ιεχωβά πάντα σικαβέλα αγάπη ντα δικαιοσύνη όταν χρησιμοποιήνελα πι ελευθερία. Ανταβά σικάντιβελα κατά τρόπος σο διορθώνελας ι Ισραηλιτέν όταν να ντένας-λες καν. Όταν μετανιώνενας αντράλ πουμαρέ γκίσταρ, ο Ιεχωβά σικαβέλας λένγκε αγάπη ντα συγχωρίνελας-λεν. Βοβ βακερντάς: «Κα κεράβ-λεν λατσσές παρόλο σο να ατσσιλέ πιστοί. Κα μανγκάβ-λεν επειδή τραμπιντόμ-λες». (Ωσηέ 14:4) Ο Ιεχωβά ντινάς-αμέν εκ μπουτ λατσσό παράδειγμας επειδή χρησιμοποιηντάς πι ελευθερία για τι βοηθίνελ ι γιαβερέν!

4, 5. (α) Κάστε ντινάς πρώτα ο Ντεβέλ ι ελευθερία τι τραμπίνελ σο κα κερέλ, ντα σαρ χρησιμοποιηντάς-λα; (β) Σο πρέπει τι πουτσέλ ο κάθε εκ αμένταρ;

⁴ Ο Ιεχωβά αποφασιντάς τι κερέλ ι αγγελόν ντα ι τζενέν με την ελευθερία τι τραμπίνεν σο κα κερέν. Πρώτα κερντάς ι Ιησούς. Βοβ κερντιλό τι μοιάζελ κο Ντεβέλ ντα τι τθερέλ ι ελευθερία τι τραμπίνελ σο κα κερέλ. (Κολοσσαείς 1:15) Σαρ χρησιμοποιηντάς ο Ιησούς οντιά ελευθερία; Πριν τι αβέλ κι πφουβ, ο Ιησούς τραμπιντάς τι ατσσόλ πιστός κο Ντεβέλ ντα μα τι ακολουθίνελ ι Σατανάς σο γκιλό κόντρα ι Ντεβλέσαρ. Όταν ο Ιησούς αβιλό κι πφουβ, αποφασιντάς μα τι περέλ κο πειρασμούς σο τσσουβέλας ο Σατανάς. (Ματθαίος 4:10) Σοράν, ι τελευταία ιράτ πριν τι μερέλ, ο Ιησούς βακερντάς πι Νταντέσκε ότι μανγκέλας τι κερέλ λέσκο θέλημας. Βακερντάς: «Ντάντε, άμα μανγκέσα, λε ανταβά ποτήρι μάνταρ. Όμως, μα τι αβέλ οντουβά σο μανγκάβα με αλλά οντουβά σο μανγκέσα τούι». (Λουκάς 22:42) Αβέλα-πες τι μοιάζας κο Ιησούς ντα τι χρησιμοποιήνας ι ελευθερία τι τραμπίνας για τι δοξάνας ι Ιεχωβάς ντα τι κεράς λέσκο θέλημας;

⁵ Βα, αβέλα-πες τι μοιάζας κο Ιησούς επειδή αμέν-ντα μοιάζασα κο Ντεβέλ. (Γένεση 1:26) Όμως, αμέν να τθεράσα ι ελευθερία σο τθερέλα ο Ιεχωβά. Ο Λάφι ι Ντεβλέσκο εξηγίνελα ότι ο Ιεχωβά τσσουντάς όρια κι ελευθερία σο τθεράσα ντα μπεσέλα αμένταρ τι δεχτίνας ανταλά όρια. Για παράδειγμας, αντρέ κι φαμιλί, ο τζουβλιά πρέπει τι ντεν καν πουμαρέ ρομές ντα ο τσσαβέ πρέπει τι ασουνέν πουμαρέ νταντές ντα πουμαρέ νταγιά. (Εφεσίους 5:22· 6:1) Σαρ επηρεάνενα ανταλά όρια ο τρόπος σο χρησιμοποιήνασα ι ελευθερία τι τραμπίνας σο κα κεράς; Η απάντηση ανταλέ ερωτησιάτε μπορίνελα τι επηρεάνελ αμαρί ζωή ακανά ντα για πάντα.

6. Βακερέν εκ παράδειγμας σο σικαβέλα σόσκε ισί σημαντικός τι τθερέλ όρια αμαρί ελευθερία.

⁶ Μπορίνελα η ελευθερία με όρια τι αβέλ πραγματική ελευθερία; Βα, μπορίνελα! Σόσκε;  Επειδή ο όρια μπορίνενα τι αρακχαβέν-αμέν. Για παράδειγμας, μπορεί τι τραμπίνας τι τζας ι αυτοκινητόσαρ εκχέ γιαβερέ τθεμέστε. Όμως, σκεφτίνεν ότι να τθεράσα νόμους ντα ο κάθε εκ αμένταρ αποφασίνελα κορκορό καζόμ τι τσσίντελ ντα καλέ μπαντάταρ κο ντρομ τι τζαλ. Κα νιωθίνενας ασφαλείς τι οδηγίνεν οντουλέ ντρομέστε; Σίγουρα όχι. Ο όρια ισί απαραίτητα για τι μπορίνας σαρέ τι απολαμβάνας ι πραγματική ελευθερία. Για τι ντικχάς μερικά παραδείγματα κατά Γραφή σο σικαβένα σαρ ο όρια σο τσσουντάς ο Ιεχωβά μπορίνενα τι βοηθίνεν-αμέν.

7. (α) Καγιά ισινέ εκ τανί διαφορά σο τθερέλας ο Αδάμ κατά ζώα; (β) Βακερέν εκ παράδειγμας σο σικαβέλα σαρ χρησιμοποιηντάς ο Αδάμ ι ελευθερία τι τραμπίνελ σο κα κερέλ.

⁷ Όταν ο Ντεβέλ κερντάς ι πρώτε τζενές, τον Αδάμ, ντινάς-λες ο ίδιος δώρος σο ντινάς κο άγγελοι-ντα, ι ελευθερία τι τραμπίνελ σο κα κερέλ. Αλλά ο Ντεβέλ να ντινάς κο ζώα ανταγιά ελευθερία. Σαρ χρησιμοποιηντάς σωστά ο Αδάμ ι ελευθερία τι τραμπίνελ σο κα κερέλ; Ο Αδάμ τθερέλας ι χαρά τι ντελ ναβά κο ζώα. Ο Ντεβέλ «αρχισάλο τι ανέλ-λεν κο τζενό για τι ντικχέλ σαρ κα τσσουβέλ ι κάθε εκχέσκε». Αφού ο Αδάμ ντινάς σημασία ο ζώα, τσσουντάς κο κάθε εκ ο ναβ σο ταιριάνελας λέσκε. Ο Ιεχωβά να αλλαντάς καέκ απόφαση σο λιντάς ο Αδάμ. Αντίθετα, «ο ναβ σο τσσουβέλας ο τζενό κο κάθε ζώος, οντουβά ατσσόλας».—Γένεση 2:19.

8. Σαρ ο Αδάμ χρησιμοποιηντάς με λάθος τρόπος ι ελευθερία τι τραμπίνελ σο κα κερέλ, ντα καβά ισινέ ο αποτέλεσμας;

⁸ Ο Ιεχωβά ντινάς ι ευθύνη κο Αδάμ τι κερέλ ι πφουβ παράδεισος όταν βακερντάς λέσκε: «Τι κερέν μπουτέ τσσαβέν ντα τι αβγατίντιβεν, τι πφερέν ι πφουβ . . . ντα τι κερέν κουμάντος ι ματσσέν σο ισί κι ντεριάβ ντα ι τσιρικλέν σο ισί κο ουρανός ντα σαρέ ο ζώα σο ισί οπράλ κι πφουβ». (Γένεση 1:28) Αλλά ο Αδάμ τραμπιντάς τι χαλ κατά φρούτος σο βακερντάς λέσκε ο Ντεβέλ μα τι χαλ, ντα αντικάς να ντινάς σημασία ο όρια σο τσσουντάς ο Ιεχωβά. Επειδή ο Αδάμ χρησιμοποιηντάς με λάθος τρόπος ι ελευθερία τι τραμπίνελ σο κα κερέλ, ο τζενέ για χιλιάδες μπρεσά τθερένα μπουτ βάσανα. (Ρωμαίους 5:12) Ισί λατσσό τι τθεράς αμαρέ γκοντιάτε ο σοβαρά προβλήματα σο αντάς η απόφαση του Αδάμ. Ανταβά κα κερέλ-αμέν τι χρησιμοποιήνας σωστά ι ελευθερία σο τθεράσα ντα τι δεχτίνας ο όρια σο τσσουντάς αμένγκε ο Ιεχωβά.

9. Καγιά επιλογή ντινάς ο Ιεχωβά πι λαόστε, κο Ισραήλ, ντα σο υπόσχεση ντινάς ο λαός;

⁹ Σαρέ ο τζενέ κληρονομιντέ ι αμαρτία ντα ο μεριπέ κατά Αδάμ ντα κατά Εύα. Όμως, συνεχίνασα τι τθεράς ο δικαίωμας τι χρησιμοποιήνας ι ελευθερία σο ντινάς-αμέν ο Ντεβέλ τι τραμπίνας σο κα κεράς. Ανταβά αγαβάσα-λες κατά Ντεβλέσκι συμπεριφορά κο λαός Ισραήλ. Ο Ιεχωβά βακερντάς λένγκε τι τραμπίνεν άμα μανγκένα τι λελ-λεν πέσκε. (Έξοδος 19:3-6) Ο Ισραήλ τραμπιντάς τι αβέλ ο λαός ι Ντεβλέσκο ντα δεχτιντάς ο όρια σο τσσουντάς λέσκε ο Ντεβέλ. Ο λαός βακερντάς: «Σαρέ οντουλά σο βακερντάς ο Ιεχωβά μανγκάσα τι κεράς-λεν». (Έξοδος 19:8) Πιο σοράν όμως, ο λαός τραμπιντάς μα τι ατσσικιαρέλ ι υπόσχεση σο ντινάς κο Ιεχωβά. Ανταβά παράδειγμας ντέλα-αμέν εκ σημαντικός μάθημας: Τι εκτιμίνας πάντα ο δώρος σο ντινάς-αμέν ο Ντεβέλ τι τραμπίνας σο κα κεράς, ντα τι συνεχίνας τι ατσσάς πασέ κο Ιεχωβά ντα τι ασουνάς λέσκε νόμους.—1 Κορινθίους 10:11.

10. Καλά παραδείγματα κατά επιστολή Εβραίους, κεφάλαιος 11, σικαβένα ότι ο ατελείς τζενέ μπορίνενα τι χρησιμοποιήνεν πουμαρί ελευθερία για τι ντεν δόξα κο Ντεβέλ; (Ντικχ ι φωτογραφία σο ισί κι αρχή.)

 ¹⁰ Κο κεφάλαιος 11 κατά επιστολή Εβραίους, αρακχάσα ο ναβά 16 πιστέ μουρσένγκε ντα τζουβλίνγκε σο τραμπιντέ τι σεβάνεν ο όρια σο τσσουντάας ο Ιεχωβά. Ο αποτέλεσμας ισινέ ότι λιντέ μπουτ ευλογίες ντα εκ μπουτ σουκάρ ελπίδα για το μέλλον. Για παράδειγμας, ο Νώε τθερέλας μπαρί πίστη ντα τραμπιντάς τι ασουνέλ ο οδηγίες σο ντινάς-λες ο Ντεβέλ τι κερέλ εκ κιβωτός για τι σώντιβελ λέσκι φαμιλί ντα ο τζενέ σο κα τζουβντιόνας κο μέλλον. (Εβραίους 11:7) Ο Αβραάμ ντα η Σάρρα τραμπιντέ τι ντεν καν ι Ντεβλές ντα γκιλέ οντουλέ τθεμέστε σο ντινάας-λεν πο λάφι ο Ντεβέλ ότι κα ντέλας-λεν. Παρόλο σο τθερένας «ι ευκαιρία τι βουρτίνεν» κι πόλη Ουρ, τθερένας συνέχεια πουμαρέ γκοντιάτε ο υποσχέσεις σο ντινάς-λεν ο Ντεβέλ για το μέλλον. Η Γραφή βακερέλα ότι “τθερένας πουμαρέ γκοντιάτε εκ πιο λατσσό τθεμ”. (Εβραίους 11:8, 13, 15, 16) Ο Μωυσής μουκχλάς ο θησαυροί σο τθερέλας η Αίγυπτος ντα τραμπιντάς «τι τσσίντελ μπουτ ι Ντεβλέσκε λαόσαρ παρά τι απολαμβάνελ για χάνικ ι αμαρτία». (Εβραίους 11:24-26) Αμέν-ντα μπορίνασα τι μοιάζας οντουλέ πιστέ μουρσέντε ντα τζουβλίντε ντα τι κεράς ο θέλημας ι Ντεβλέσκο επειδή εκτιμίνασα ι ελευθερία σο ντινάς-αμέν τι τραμπίνας.

11. (α) Καγιά ισί εκ μπαρί ευλογία σο αβέλα όταν τραμπίνασα κορκορέ σο κα κεράς; (β) Σο κερέλα-τουμέν τι χρησιμοποιήνεν σωστά ι ελευθερία σο τθερένα τι τραμπίνεν;

¹¹ Μπορεί τι ντικχίντιβελα πιο εύκολος τι λελ εκ γιαβέρ τζενό αποφάσεις αμένγκε, αλλά άμα να χρησιμοποιήνασα ι ελευθερία τι τραμπίνας, να κα τθεράς εκ κατά πιο μπαρέ ευλογίες. Καγιά ισί ανταγιά ευλογία; Η Γραφή εξηγίνελα κο εδάφια Δευτερονόμιο 30:19, 20. (Διαβάνεν) Κο εδάφιος 19 διαβάνασα ότι ο Ντεβέλ μουκχλάς ι Ισραηλιτέν τι τραμπίνεν. Κο εδάφιος 20, σικλιάσα ότι ο Ιεχωβά ντινάς-λεν εκ ευκαιρία για τι σικαβέν καζόμ μπουτ μανγκένα-λες. Αμέν-ντα μπορίνασα τι τραμπίνας τι ντας λατρεία κο Ιεχωβά. Ντα τθεράσα εκ μοναδική ευκαιρία τι χρησιμοποιήνας ι ελευθερία σο ντινάς-αμέν ο Ιεχωβά τι τραμπίνας, για τι ντας-λες δόξα ντα για τι σικαβάς καζόμ μπουτ μανγκάσα-λες!

12. Σο δεν πρέπει τι κεράς ποτές με την ελευθερία σο ντινάς-αμέν ο Ντεβέλ τι τραμπίνας;

¹² Σκεφτίνεν ότι ντινέν τουμαρέ αμαλέστε εκ δώρος σο τθερέλας αξία. Σαρ κα νιωθίνενας άμα φουρτιντάας-λες κο σκουπίδια ή, ατζέκ πιο χειρότερα, άμα χρησιμοποιηντάας-λες για τι κερέλ κακός εκχέ τζενέσκε; Κα πληγώντιβενας. Ο Ιεχωβά ντινάς-αμέν σαρ δώρος ι ελευθερία τι τραμπίνας σο κα κεράς. Πληγώντιβελα μπουτ κάνα ντικχέλα ι τζενέν τι χρησιμοποιήνεν με λάθος τρόπος ι ελευθερία σο τθερένα, τι τραμπίνεν λάθος πράγματα ντα τι κερέν κακός κο γιαβερά. Η Γραφή βακερντάς ότι «κο τελευταία ντιβεσά» ο τζενέ κα αβένας «αχάριστοι». (2 Τιμόθεο 3:1, 2) Άρα, σαρ μπορίνασα τι σικαβάς ότι εκτιμίνασα ο πολύτιμος δώρος σο ντινάς-αμέν ο Ιεχωβά; Ντα σο μπορίνασα τι κεράς για μα τι χρησιμοποιήνας με λάθος τρόπος ανταβά δώρος;

13. Σαρ κα μπορίναας τι χρησιμοποιήνας με λάθος τρόπος ι ελευθερία σο τθεράσα σαρ Χριστιανοί;

¹³ Σαρέ τθεράσα ελευθερία τι τραμπίνας αμαρέ αμαλέν, σαρ κα ιριαβάς-αμέν, σαρ κα λατσσαράς-αμέν ντα σαρ κα διασκεδάνας. Αλλά κα μπορίναας τι χρησιμοποιήνας ι ελευθερία σο τθεράσα σαρ εκ δικαιολογία για τι τραμπίνας ο πράγματα σο να μανγκέλα ο Ντεβέλ ή για τι μοιάζας κο τζενέ ανταλέ ντουνιάσκε. (Διαβάνεν 1 Πέτρου 2:16) Αντί τι χρησιμοποιήνας ι ελευθερία σο τθεράσα  σαρ εκ ευκαιρία τι κεράς ο κακός, πρέπει τι χρησιμοποιήνας-λα σαρ εκ ευκαιρία τι “κεράς τα πάντα για τι ντιντιόλ δόξα κο Ντεβέλ”.—1 Κορινθίους 10:31· Γαλάτες 5:13.

14. Σόσκε πρέπει τι τθεράς εμπιστοσύνη κο Ιεχωβά όταν χρησιμοποιήνασα ι ελευθερία σο τθεράσα τι τραμπίνας;

¹⁴ Ο Ιεχωβά βακερντάς: «Με, ο Ιεχωβά, ισινόμ το Ντεβέλ, Οντουβά σο σικλιαρέλα-τουτ τι λατσσιμάσκε, Οντουβά σο κερέλα-τουτ τι πφιρές κο ντρομ σο πρέπει τι πφιρές». (Ησαΐας 48:17) Πρέπει τι τθεράς εμπιστοσύνη κο Ιεχωβά ντα τι δεχτίνας ο όρια σο τσσουντάς αμένγκε για τι μπορίνας τι λας λατσσέ αποφάσεις. Αγαβάσα ταπεινά ότι «ο τζενό σο ισί κερντό κατά τσικ να τθερέλα ο δικαίωμας τι αποφασίνελ πι ντρομέσκε. Ο τζενό σο πφιρέλα να τθερέλα ο δικαίωμας τι αποφασίνελ κατέ κα τζαλ». (Ιερεμίας 10:23) Εμ ο Αδάμ εμ ο Ισραηλίτες σο να ατσσιλέ πιστοί τραμπιντέ μα τι δεχτίνεν ο όρια σο τσσουντάας ο Ιεχωβά, αλλά τι στηρίντιβεν πουμαρέ νεαυτόστε. Αμέν πρέπει τι μουκχάς ο παράδειγμας λένγκο τι σικλιαρέλ-αμέν. Αντί τι στηρίντιβας αμαρέ νεαυτόστε, μακάρι “τι τθεράς εμπιστοσύνη κο Ιεχωβά σαρέ αμαρέ γκίσαρ”.—Παροιμίες 3:5.

15. Σο σικλιάσα κατά συμβουλή σο ισί κο εδάφια Γαλάτες 6:5;

¹⁵ Επίσης πρέπει τι σεβάνας ι ελευθερία σο τθερένα ο γιαβερά τι λεν αποφάσεις πουμαρέ ζωγιάτε. Σόσκε; Αφού σαρέ τθεράσα ι ελευθερία τι τραμπίνας σο κα κεράς, να υπαρχίντιβενα ούτε ντούι Χριστιανοί σο κα λένας πάντα ακριβώς ο ίδιες αποφάσεις. Ανταβά αβέλα-πες ατζέ-ντα όταν λάσα αποφάσεις σο τθερένα τι κερέν με τη διαγωγή ντα με  τη λατρεία. Σκεφτίνεν ι συμβουλή σο ισί κο εδάφιος Γαλάτες 6:5. (Διαβάνεν) Όταν αγαβάσα ότι ο κάθε Χριστιανός ισί υπεύθυνος για τις αποφάσεις σο λέλα, κα σεβάνας ι ελευθερία σο τθερένα ο γιαβερά τι τραμπίνεν σο κα κερέν.

16, 17. (α) Σαρ η ελευθερία σο τθερένας τι τραμπίνεν ο πφραλά αντάς εκ πρόβλημας κι Κόρινθος; (β) Σαρ βοηθιντάς ο Παύλος οντουλέ Χριστιανόν, ντα σο σικλιαρέλα-αμέν ανταβά;

¹⁶ Ντικχέν εκ παράδειγμας κατά Γραφή σο σικαβέλα σόσκε πρέπει τι σεβάνας ι ελευθερία σο τθερένα αμαρέ πφραλά τι τραμπίνεν. Μερικοί Χριστιανοί κι Κόρινθος βακερένας ότι μπορίνενας τι κινέν κατά χασάπης μας σο μπορεί τι ισινέ θυσιασμέ κο είδωλα ενώ γιαβερά βακερένας ότι να μπορίνενας. Η συνείδηση μερικέ Χριστιανόνγκι μουκχέλας-λεν τι χαν οντουβά μας επειδή τζανένας ότι εκ είδωλος να ισινέ τίποτα. Όμως κάποιοι σο πακιάνας πριν κο είδωλα νιωθίνενας ότι άμα κα χάνας ασακό μας κα ντένας λατρεία κο είδωλα. (1 Κορινθίους 8:4, 7) Ανταβά ισινέ εκ σοβαρός πρόβλημας σο κα μπορίνελας τι ανέλ διχόνοια αντρέ κι εκκλησία. Σαρ βοηθιντάς ο Παύλος ι Χριστιανόν τι λύνεν ανταβά σημαντικός πρόβλημας;

¹⁷ Κι αρχή, ο Παύλος αντάς λένγκε γκοντιάτε ότι ο χαμπέ να κα κερέλας πιο ζουρανί λένγκι φιλία ι Ντεβλέσαρ. (1 Κορινθίους 8:8) Σοράν, ο Παύλος προειδοποιηντάς-λεν μα τι χρησιμοποιήνεν “ο δικαίωμας σο τθερένα τι τραμπίνεν” άμα ισί τι πληγώνεν ι συνείδηση οντουλένγκι σο να ισινέ ζουρανέ κι πίστη. (1 Κορινθίους 8:9) Πιο σοράν, βακερντάς οντουλένγκε σο τθερένας ευαίσθητη συνείδηση μα τι κρίνεν οντουλέν σο τραμπίνενας τι χαν ασακό μας. (1 Κορινθίους 10:25, 29, 30) Άρα, σε σημαντικά ζητήματα σο τθερένα τι κερέν με τη λατρεία, ο κάθε Χριστιανός έπρεπε τι λελ κορκορό πι απόφαση. Δεν πρέπει αμέν-ντα τι σεβάνας ι ελευθερία σο τθερένα αμαρέ πφραλά τι λεν αποφάσεις ατζέ-ντα πιο χουρντέ πραγματέντε;—1 Κορινθίους 10:32, 33.

18. Σαρ κα σικαβέν ότι ισί πολύτιμη τουμένγκε ι ελευθερία σο τθερένα τι τραμπίνεν σο κα κερέν;

¹⁸ Ο Ιεχωβά ντινάς-αμέν ι ελευθερία τι τραμπίνας σο κα κεράς ντα ανταβά ανέλα αμένγκε πραγματική ελευθερία. (2 Κορινθίους 3:17) Αμένγκε ισί πολύτιμος ανταβά δώρος επειδή μουκχέλα-αμέν τι λας αποφάσεις σο σικαβένα καζόμ μπουτ μανγκάσα ι Ιεχωβάς. Μακάρι τι συνεχίνας τι λας αποφάσεις σο ντένα-λες δόξα ντα τι σεβάνας ο δικαίωμας σο τθερένα ο γιαβερά τι τραμπίνεν σαρ κα χρησιμοποιήνεν ανταβά πολύτιμος δώρος.