SIKAIMOS 03

Shai pakias tu ande Biblia?

THO

Ande Biblia shai arakhas lashe suaturia te trais ai shinavel amenge shukar prame. Shai avela kames te zhanes so sikavel, numa pushes tu: Shai pakias amen ande so phenel amenge iek libro purano? Shai pakias ande so mothol e Biblia pa iek lasho traio akana ai mai angle? Millonuria manush azhukeras te shai avel amen iek traio gadia ai kamas ilesa te dikhes pala soste amen pakias amen ande kako.

1. Sas chacho sa so phenel e Biblia pal prame kai sas de mai anglal?

E Biblia phenel ke ande late si o chachimos ai ke lake lashe suaturia demas chache le (Eclesiastés 12:10). Del duma pa uni prame kai nakhle ai uni manush kai traisarde de dumut (chito Lucas 1:3; 3:1, 2, NWT). Le prame kai sikade le zhene kai sikion pa e historia ai o traio le manushengo sikaven ke si chacho so mothol e Biblia pal manush ai so sas.

2. Sostar pakias amen ande Biblia makar purai la?

Ande but prame, e Biblia siempre sikavelas le manushen mai but de so zhanenas. Iek ejemplo si, ke phenel uni prame pa e ciencia. Kana ramosaili e Biblia, but manush chi pakianas ande so phenelas voi pa gadala prame. Toma akana, e ciencia phenel ke so mothol e Biblia si chacho. Pala godia, akana ai mai angle shai pakias ande lake suaturia (Salmo 111:8).

3. Sostar shai pakias amen ande so phenel e Biblia pe mai angle?

Ande Biblia si profesii a kai sachi kerdile (Isaías 46:10). Phendias chachimasa dieli kai sas te aven mai anglal te kerdion. Ai phendias suako diela kai sas te dikhas agies ande lumia. Ke bari prama! Sa so mothol kerdiol chacho. Katse si te dikhas uni profesii la Bibliake.

TE MAI SIKIOS

Aida dikhas uni prame kai sikaven sar malavel so mothol e Biblia ai so arakhlias e ciencia ai uni bare profesii la Bibliake.

4. E ciencia malavel la Bibliasa

De dumut but manush pakianas ke e Phuv sas opre pe varesoste. Dikhen o VIDEO.

VIDEO: Khanchi chi inkerel e Phuv (1:11)

Dikhta so mothol o libro katar o Job, kai ramosailo de 3.500 borsh. Chiton Job 26:7 ai den duma pa:

Sostar si bari prama ke e Biblia mothol ke e Phuv nai opre “pe khancheste”?

O kham kerel te vazdelpe o pai anda e maria sar te avela thuv. Godo pai perel tele kana del brishind ai amboldel kai maria. Le manush zhangle pa o ciclo le paiesko de dui shela borsh. Numa e Biblia gata phendiasas kako de mia borsh mai anglal. Chiton Job 36:27, 28 ai den duma pa:

So plachaias tu mai pa so motholpe anda o ciclo le paiesko?
Azhutin tu te mai pakias ande Biblia le texturia kai chitosardian?

5. E Biblia phendias pa bare prame kai sas te aven

Chiton Isaías 44:27-45:2 ai den duma pa:

So phendias e Biblia dui shela borsh mai anglal te perel e Babilonia?

Dikhen o VIDEO.

VIDEO: E Biblia phendias ke e Babilonia sas te perel (0:53)

E historia sikavel ke uni 540 borsh mai anglal te arakhadiol o Jesus, iek amperato katar e Persia, kai busholas Ciro, ai leske zhandaria, line o foro katar e Babilonia. Kerde te zhaltar o pai kai arakhelas o foro pe aver rig. Sar le vudara ashile puterde dine andre ai line les, chi trobusarde te marenpe. Godo sas de 2.500 borsh ai chi ashilo khanchi anda e Babilonia. Dikhta so mothodias e Biblia.

Chiton Isaías 13:19, 20 ai den duma pa: