Sikaimos katar e Vorba le Devleski
So si te avel o Gies kai shinelape kris?
Ande kako artikulo shai arakhes suato ande kiri Biblia pa prame kai shai pushes tu. Te kamesa, iek marturo le Jehovasko shai del duma tusa pa prame kai shai chitos katse.
1. So si o Gies kana shinelape Kris?
Ando patreto sikavel so gindin but manush pa so phenel e Biblia pa kana avela o Gies kai shinelape Kris. Von gindin ke millonuria manush porme te meren si te aven angla o trono le Devlesko te shinel lenge kris: uni traina ando cheri ai aver ando infierno. Numa e Biblia sikavel ke o Gies kai shinelape Kris si te ankalavel le dieli kai nai vorta anda e lumia (Psalmo 96:13, E Nevi Viasta ai o Psalmo). O Del alosardias ka o Jesus te shinel kris vorta le manushenge. (Chito Isaías 11:1-5 ai Le Apostolengo 17:31).
2. Sar si te shinelpe Kris?
O pervo mursh, o Adan, dias le zea ka o Del o Jehova. Pala leste, savorhe keren bezej, nekezhin ai meren (Romanuria 5:12). Te lasharel kako, o Jesus si te zhuvindil millonuria manush kai mule. Ando Sicharimos, vai Apokalipsis, phenel ke si te zhuvindin kana o Jesukristo amperetsila pe iek mia borsh. (Chito Sicharimos [Apokalipsis] 20:4, 11, 12).
Si te kerelpe kris ka godola kai mule porme kai zhuvindina. Numa na pala le prame kai kerde mai anglal te meren, numa pala le prame kai kerena porme te zhanen so mothon le ramomata kai phenel o kapitulo 20 anda Sicharimos [Apokalipsis] (Romanuria 6:7). O apostol Pavlo phendias pa “le manush kai si vorta ai vi le manush kai nai vorta” te del duma pa godola kai si te train pale ai kai si te avel len e voia te prinzharen ka o Del. (Chito Le Apostolengo 24:15).
3. So mai si te kerelpe ando Gies kai shinelape Kris?
Le manush kai mule ai chi prinzharde ai chi luvudisarde ka o Jehova, shai kerena leski voia kana zhuvindina. Te kerena kako, si te zhuvindin “te len o traio kai chi mai getolpe”. Numa, godola kai chi kamena te pakian o mui le Devlesko si te zhuvindin “te nakhen pe kris”. (Chito Iovano 5:28, 29 ai Isaías 26:10; 65:20).
Kana getolape le mia borsh katar o Gies kai shinelape Kris, o Jehova kerela ke sa le manush pe lumia te na mai aven bezejale (1 Korintiana 15:24-28). Ke shukar so azhukeren le manush kai pakiana lesko mui! Porme te avel phandado o Beng pe iek mia borsh, o Del si te mekel les te zumavel o pakiamos le manushengo. O Satanas si te kerel fersavi diela te duriarel le manushen katar o Jehova, numa kon avela chacho ai pakiala o mui le Devlesko si te trail pe Phuv ai chi mai si te merel. (Chito Isaías 25:8 ai Sicharimos [Apokalipsis] 20:1, 7-9).
4. Savo aver gies kai shinelape kris anela lashimos le manushenge?
E Biblia del duma pa aver gies kai shinelape kris. Si kana getona sa le prame chorhe kai si pe lumia. Kako gies avela kana chi dasa po gor, sar o Baro brishin kai sas ande vriama katar o Noe, kai ankaladias sa le manushen bilashe kai sas. Ande tsirha vriama “le manush le bi lashe” chi mai avena ai le manush le vorta traina ando lashimos. (Chito 2 Petri 3:6, 7, 13).
Shai avela plachal tu
BARE PRAME KAI SIKAVEL E BIBLIA
So si e Amperetsia le Devleski?
Kana o Jesus avilo pe phuv butivar dias duma pa e Amperetsia le Devleski. Ai pe but vriama le manush mangen ando rhugimos te avel godia Amperetsia.
PA AMENDE
Mang te zhas tute
Dikhta so phenel e Biblia pa iek divano vai sikio mai pal marturia le Jehovaske.
