O Del kodo kamel, le manusha lossh te rakhen ando trajo. Anda kado kerdas e phuv, thaj so pe leste si, ke kamel len. Na butara kerla variso, ke le manusha losshake te aven. Nacharela sako nasulimo. Dikh: Jeremiasheski 29:11.

Le manushen inke nas kasavo uralmo, savo khoslas o maripe, o nasvalipe, thaj o meripe. O Del kodo kamel te zhanas kodo, ke na butara perdal lel le manushendar o uralmo. Atunchi le manusha ande pachate trajina, thaj saste avna. Dikh: Izajasheski 25:8; 33:24; Danieleske 2:44.

Numa atunchi nacholtar o nasulimo, kana o Del uzharel e phuv kathar le nasul manusha (Sofoniasheske 2:3). Kana avla kadi? Le Devleski Vorba anglal phendas la, soski briga avna ande amare dyesa. Andar e luma dichol, ke o Del sidyarasa andre shola pesko vast. Dikh: 2Timoteusheske 3:1–5.

Trubul te pinzharas le Devleski Vorba, e Biblia. Kadi ginadyi kasavi si, sar jekh lil, kathar jekh drago dad. Shaj sityuvas ande leste, sar shaj trajinas majshukares, thaj sar shaj resas kodo, te na meras. Si kon kaske chi fajil, kana variko kamel majfeder te pinzharel e Biblia. De ande kado te na mukhas avri kodo, te shaj zhanas sar avla majshukar amaro trajo. Dikh: Parabolengi (Példabeszédek) 29:25; Viziovongi (Jelenések) 14:6, 7.