Kon si po kipo? (. . .) O Mate, o Mark, o Lukach, o Janosh, o Peter, o Jakab, o Judash thaj o Pal. Von atunchi trajinas, kana o Jezush pe phuv sas, thaj tele iskirinde, so o Jezush kerdas. Pinzhar len, soske manusha sasle.

Trinzhene le aposhtola sas, thaj le Jezushesa kethane ingerde e lashi vorba. Zhanes, kon sas von? (. . .) O Mate, o Janosh thaj o Peter. O Mate thaj o Janosh mishto pinzharde le Jezushes, thaj seldujzhene ginadyi  iskirinde pa le Jezushesko trajo. O Janosh aposhtol iskirindas le Jelenések ginadyi thaj inke trin lila. O Peter aposhtol duj lila iskirindas. Kadala ande Biblia si. Ando dujto lil tele iskirindas, hoj o Jehova kado phendas ando cheri: „Kado si muro shavo, kas kamav.”

Po kipo vi kaver mursha sas, kon iskirinde pal o Jezush. But shaj sityuvas, te ginavas kadala ginadya. Vi o Mark iskirindas jekh ginadyi. Voj kothe sas, kana xutyilde le Jezushes. O Mark dikhlas, so pecisajlas. Vi o Lukach iskirindas pal o Jezush. Voj doktori sas, thaj pala le Jezushesko meripo kerdyilas kerestenyi.

Po kipo shaj dikhes le Jezusheske duj majterne phralen. Vi von iskirinde ande Biblia. Zhanes lenge anava? (. . .) Von sas o Jakab, thaj o Judash. Anglunes chi patyajle le Jezushes. Kodo gindinde, hoj o Jezush jekh cerra dilo si. De pala kodo vi von kerestenya kerdyile.

Po kipo dikhas vi e Pales, vi voj iskirindas ande Biblia. Pala kana kerestenyi kerdyilas, lesko anav Shaul sas. Voj xolyajvelas pe kerestenya, thaj azbajlas len. Zhanes, sostar kerdyilas kerestenyi o Pal? (. . .) Jekh dyes, kana gelas po drom, varikon duma das leske. O Jezush vorbindas karing leste andar o cheri! Kado pushlas kathar o Pal: „Sostar san kasavo nasul mure sityardenca?” Pala kado o Pal kerestenyi kerdyilas. O Pal 14 bibliake ginadya iskirindas.

So gindines, sostar ginavas tusa sako dyes e Biblia? (. . .) Te ginavas e Biblia, atunchi but shaj sityuvas pal o Jezush. Kames majbut te zhanes pa leste? (. . .)